rKTs

e-texts navigator

Volume

Page

59a₁ rnams der snang zhing 'phel ba dang 'grib pa med kyang / me long gi dkyil 'khor de bdag ni gzugs brnyan rnam pa sna tshogs 'di dag ston par byed do zhes
59a₂ mi sems mod kyi/ 'on kyang me long gi dkyil 'khor de shin tu byi dor legs par byas na/ gzugs brnyan gyi rnam pa thams cad rang gis rab tu snang bar 'gyur ro// de
59a₃ bzhin du byang chub sems dpa' yang chos kyi dbyings kyi me long gi dkyil 'khor shin tu legs par byi dor byas pas/ rtsol ba med pa'i ting nge 'dzin la gnas nas/ sems can
59a₄ rnams kyi sems kyi spyod pa bye brag ji lta ba bzhin du chos kyi sgo mo brgya stong du ma rnam par phye ste bstan nas/ de dag thams cad rab tu rtogs shing rnam par grol ba thob par byas kyang / chos kyi
59a₅ mtshan ma dang / sems can gyi mtshan ma skyed par mi byed do// de ci'i phyir zhe na/ byang chub sems dpa' des chos kyi dbyings kyi mtshan nyid shin tu legs par rtogs pa'i phyir dang /
59a₆ spyod pa bzhi po 'di dag dang mtshungs par ldan pa'i sems can gang yin pa de dag yang dag pa ji lta ba bzhin du rab tu rtogs pas de dag gi dbang po dang / rang bzhin du chos ston par byed kyang /
59a₇ chos kyi dbyings dang / sems can gyi khams yang dag pa ji lta ba bzhin du so sor rtog par byed pas gnyis su 'gyur ba'i mtshan nyid kyang med do// chos kyi dbyings dang / sems can gyi

_{iiif viewer powered by OpenSeadragon}

58b - 59b

Texts on this page