rKTs

e-texts navigator

Volume

Page

58a₁ sems dpa'i spyod pa la btsud de/ rnam par grol ba thob par 'gyur snyam du sems te/ byang chub sems dpa' sngon gyi chos kyi dbyings legs par so sor brtags pas
58a₂ rtsol ba med pa'i ye shes kyis snying rje chen po la gnas te/ sems can de dag chos kyi dbyings la rmongs par gyur par rig nas/ ci nus ci lcogs kyis chos bstan nas rab tu dul bar byed
58a₃ kyang bdag gis chos bstan to/ / ston to// ston par 'gyur ro snyam du sems pa med do// 'on kyang de'i sngon gyi smon lam gyi mthus/ rten cing 'brel par 'byung ba legs par so sor
58a₄ brtags nas rang gi ngang gis chos kyi sgo mo brgya stong du ma bstan to/ / sems can de dag gi ma rig pa'i las kyi 'du byed bsal nas rnam par grol ba 'thob par byed do// glog thob 'di lta ste/ dper na
58a₅ sman pa bzang po nad mang po gso ba la mkhas pa/ sngar sman dpyad rnams la shin tu goms par gyur pa ni nad kyi mtshan ma mthong ma thag tu/ sngags dang sman btang ba thams cad rab tu rtogs par gyur
58a₆ pas/ des gsos pas gang yang mi gsos pa med do// de bzhin du byang chub sems dpa' yang 'di ltar chos kyi dbyings shin tu legs par rtogs pas/ rtsol ba med pa'i ye shes kyis gti mug
58a₇ gi spyod pa bsags pa'i sems can de dag gi dbang po dang / rang bzhin ji lta ba bzhin du chos kyi sgo mo brgya stong du ma bstan nas/ thams cad rab tu gsal bar rtogs par byed do// glog thob 'di

_{iiif viewer powered by OpenSeadragon}

57b - 58b

Texts on this page