| e-texts navigator |
| བོད་ཡིག |
367b1 rdzus te ste// bu mo byang chub sems dpa' chos bzhi dang ldan na/ rdzu 'phrul gyis sangs rgyas kyi zhing nas sangs rgyas kyi zhing du 'gro bar 'gyur te/ bzhi gang zhe na/ 'di lta ste/ gzhan dag gi dge
367b2 pa'i rtsa ba'i bar chad mi byed pa dang / gzhan dag chos nyan pa la bar chad mi byed pa dang / de bzhin gshegs pa'i mchod rten dag la mar me 'bul ba dang / ting nge 'dzin sgom pa ste/ bu mo byang chub sems
367b3 dpa' chos bzhi po de dag dang ldan na/ rdzu 'phrul gyis sangs rgyas kyi zhing nas sangs rgyas kyi zhing du 'gro bar 'gyur ro// de la 'di skad ces bya ste/ dge ba dag gi bar chad mi byed dang // gzhan gyi chos
367b4 gtan dag la mi smod dang / / rgyal ba'i mchod rten dag la mar me 'bul// ting 'dzin bsgoms pas de ni zhing du 'gro// bu mo byang chub sems dpa' chos bzhi dang ldan na/ dgra zla med par 'gyur te/
367b5 bzhi gang zhe na/ 'di lta ste/ g.yo med par dge ba'i bshes gnyen dag la rten pa dang / dge ba'i rtsa ba la ser sna mi byed pa dang / gzhan gyi rnyed pa la dga' ba dang / byang chub sems dpa' rnam
367b6 kyi bya ba dang / gnas pa thams cad la khong khro bar mi byed cing / mi snyan pa mi sgrogs pa ste/ bu mo byang chub sems dpa' chos bzhi po de dag dang ldan na/ dgra zla med par 'gyur ro// de la 'di
367b7 skad ces bya ste/ dge ba'i bshes gnyen rnams la de g.yo med// gzhan gyi rnyed pa dga' zhing ser sna med// byang chub sems dpa'i spyod la mi smod na// rtag tu dgra zla med par spyod par 'gyur//
iiif viewer powered by OpenSeadragon
Texts on this page
S11.30 - 'phags pa bu mo blo gros bzang mos zhus pa zhes bya ba theg pa chen po'i mdo