rKTs

e-texts navigator

Volume

Page

320b₁ rgyal ltar byang chub thob gyur ci/ de nas grong khyer gyi dbul po nges pas dus gzhan zhig na nor bu rin po che rin thang med pa zhig rnyed nas/ de 'di snyam du sems te/ nor
320b₂ bu rin po che 'dzam bu'i gling na mchog du gyur pa 'di bdag gis mnyan yod 'di na thams cad kyi nang na dbul po gang yin pa de la sbyin kor ma chag go snyam nas de grong bar du song ste/ thams
320b₃ cad kyi nang na dbul po su yin pa de la rin po che 'di sbyin no zhes sgra bsgrags pa dang / dbul po mgon med pa phal po che der 'dus te/ bdag cag dbul po yin gyis/ bdag cag la
320b₄ byin cig ces 'dzer to/ / nges pas smras pa/ khyed ni dbul po ma yin gyi/ mnyan yod 'di na ches dbul po gzhan zhig yod kyi/ de la sbyin no// de dag gis smras pa/ gang
320b₅ yin/ des pas smras pa/ rgyal po gsal rgyal 'di yin no// de dag gis smras pa/ khyod de skad ma zer zhig/ rgyal po gsal rgyal ni phyug cing nor mang la longs spyod che ba yin gyi//
320b₆ bdag cag ni dbul zhing mgon med pa yin no// des pas smras pa/ nor mang gis ni ci zhig bya// rgya mtsho la ni rlung rnams bzhin// gang dag la ni chog med pa// ma bsdam
320b₇ de dag dbul po yin/ / gang dag 'dod pa rab 'phel zhing // yang yid ni skye 'gyur ba// rmongs pa de dag tshe 'di dang // pha rol tu yang dbul por 'gyur// de nas

_{iiif viewer powered by OpenSeadragon}

320a - 321a

Texts on this page