| e-texts navigator |
| བོད་ཡིག |
303b1 sdug bsngal 'phags pa'i bden pa dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam 'phags pa'i bden pa zhes bya ba 'phags pa'i
303b2 bden pa bzhi po de dag go/ / phung po lnga rnams dang / khams drug po dag dang / nang gi skye mched drug po dang / phyi'i skye mched drug po dag gang yin pa de ni sdug bsngal zhes
303b3 bya ba ste/ sdug bsngal de ni mi rtag pa dang / sdug bsngal ba dang / nad dang / 'bras dang / zug rngu dang / sdig pa dang / bdag med pa dang / rab tu 'jig pa'i chos nyid du blta'o//
303b4 'dod chags dang / zhe sdang dang / gti mug dang / nga rgyal dang / nga'o snyam du mngon par zhen pa dang / bdag gi bdag ni 'di yin no snyam du bdag tu mngon par zhen pa dang / 'byung
303b5 par 'gyur ro snyam pa dang / 'byung bar mi 'gyur ro snyam pa dang / gzugs can du 'gyur ro snyam pa dang / gzugs can ma yin par 'gyur ro snyam pa dang / 'du shes can du 'gyur ro//
303b6 snyam pa dang / 'du shes can ma yin par 'gyur ro snyam pa dang / 'du shes can ma yin la/ 'du shes can ma yin pa'ang 'du shes can ma yin par 'gyur ro snyam pa dang / phung po
303b7 rnams bdag go snyam pa dang / phung po rnams las bdag gzhan no snyam pa dang / phung po rnams la bdag gi snyam pa dang / bdag la phung po rnams snyam pa dang / khams rnams dang /
iiif viewer powered by OpenSeadragon
Texts on this page
S11.26 - 'phags pa lag bzangs kyis zhus pa zhes bya ba theg pa chen po'i mdo