| e-texts navigator |
| བོད་ཡིག |
74b1 la mi snang bar gyur to/ / de mi snang bar gyur pa dang / ko sa la'i rgyal po gsal rgyal gyis/ mu stegs can rnams la 'di skad ces smras so// kye bcom ldan 'das kyis mi'i chos bla ma'i rdzu
74b2 'phrul gyi cho 'phrul bstan zin te/ da ni khyed kyi res la bab pas/ khyed kyis ston cig/ de nas 'od srungs rdzogs byed cang mi smra bar/ kun tu rgyu gnag lhas kyi bu la gru phugs byas so// des
74b3 kyang sgra 'dod kyi bu mo'i bu yang dag rgyal ba can la'o/ / des kyang mi pham skra'i la ba can la'o// des kyang ka t+ya'i bu nog can la'o// des kyang gcer bu pa gnyen gyi bu la'o// des kyang 'od srungs rdzog
74b4 byed la byas nas/ 'ga' yang smra bar mi byed do// de dag la lan gnyis lan gsum gyi bar du rgyal pos de skad ces smras na/ de bzhin du gcig la gcig gru phugs byed cing / cang mi zer bar
74b5 gyur/ yul yul por gyur/ zhum zhum por gyur nas/ mgo smad cing spobs pa med de sems khongs su chud cing 'dug go// de nas gnod sbyin lag na rdo rje 'di snyam du/ skyes
74b6 bu blun po 'di rnams yun ring po nas bcom ldan 'das la mtho ba tsam pas/ de'i phyir gang gis na 'di rnams kun tu 'bros par 'gyur ba'i thabs shig bya'o snyam nas/ des gang gis na
74b7 cho 'phrul gyi 'dun khang de/ de rnams kyi mig lam du yang mi 'bab pa de lta bu'i rlung ngomar dang char drag btang ba dang / de na kha cig ni phred nas ri'i gseb tu zhugs/ kha cig ni rtsa tshang tshing du/
iiif viewer powered by OpenSeadragon
Texts on this page
S6 - 'dul ba phran tshegs kyi gzhi