rKTs

e-texts navigator

Volume

Page

82a₁ dgon pa na gnas kyang rung / shing drung na gnas kyang rung zhes bya ba nas 'di ni gzhi gsum pa ste/ ci la rten cing ci la gnas zhes bya ba'i bar du snga ma bzhin no// bzhi pa ni zhes bya ba nas dge sbyong dang bram
82a₂ ze shes ldan ci la rten cing ci la gnas nas zhes bya ba'i bar du snga ma bzhin no/ / 'di na dge sbyong dang bram ze shes ldan kha cig dgon pa na gnas kyang rung shing drung na gnas kyang rung zhes bya ba dag dang / sems mnyam
82a₃ par bzhag pa na 'jig rten mtha' yod pa ma yin pa'i 'du shes can dang / mtha' med pa ma yin pa'i 'du shes can du gnas so// de 'di snyam du sems te/ 'jig rten 'di ni mtha' yod pa yang ma yin mtha' med pa yang
82a₄ ma yin pa de'i phyir des na bdag 'di snyam du 'jig rten ni mtha' yod pa yang ma yin mtha' med pa yang ma yin no snyam nas bdag dgon pa na gnas kyang rung / shing drung na gnas kyang rung khang stong na gnas kyang rung ste zhes
82a₅ bya ba nas/ sems mnyam par bzhag pa na 'jig rten mtha' yod pa yang ma yin pa'i 'du shes can dang / mtha' med pa yang ma yin pa'i 'du shes can du gnas par bya'o snyam mo// ji ltar na 'jig rten mtha' yod pa dang mtha'
82a₆ yod pa yang ma yin mtha' med pa yang ma yin pa 'di ni gzhi bzhi pa ste/ ci la rten cing cil gnas nas zhes bya ba'i bar du snga ma bzhin no// dge sbyong dang bram ze kha cig sngon gyi mtha' la rtog cing mtha' yod pa dang mtha' med pa
82a₇ bya ste/ bdag dang 'jig rten mtha' yod pa dang mtha' med pa'o zhes mngon par smra zhing mngon par brjod pa de thams cad ni gzhi bzhi po dag la ste/ de las mi lhag mi mad la/ de dag de bzhin gshegs pas yang dag pa ji lta ba
82a₈ bzhin du rab tu mkhyen nga las lhag par yang dag pa ji lta ba bzhin du rab tu mkhyen to/ / de ltar na lta bar song ba 'di dag 'di lta 'dzin pa dang 'di ltar mchog tu 'dzin pa dang / 'di ltar len pa dang 'di ltar spong ba zhes bya ba ni snga ma

_{iiif viewer powered by OpenSeadragon}

81b - 82b

Texts on this page