| e-texts navigator |
| བོད་ཡིག |
64a1 sems kyis ting nge 'don tu zhugs pa dang / mod la chu'i nang nas ri chen po zhag byung nas chu'i rgyun bcad do// de nas rgyal bu dang btsun mos gos brdzes te/ churgal nas par rgal ma thag tu rgyal bu yang 'di
64a2 snyam du bsams so/ / thal byung song bar gyur na chu 'khyil pa 'dis sems can mang du 'chi ste/ grog sung mang po chus khyer bar 'gyur ro snyam bsams nas/ rgyal bu phyir tshul bltas te 'di skad ces smras so// chu khyod sa
64a3 mkho bzhin du rgyun tu 'bab cing gal te bdag 'dod pa zhig 'ongs na yang thar par byos shig ces smras ma thag tu chu yang snga ma kho bzhin du 'bab par gyur to/ / de nas song ba las ri dan tig tu phyin nas rgyal bus ri de la bltas
64a4 nas ri de rang rong dang zad zed du 'dug la shing mang po rab tu rgyas shing bya sna tshogs kyang snyan pa'i sgra 'byin/ 'bab chu dang / chu mig dang / mtshe'u dang / lteng ka dang / ldan te chu ni mngar 'bras bu ni zhim/ chu bya dang / ngang ngur dang /
64a5 'jol mo dang / ri skags la sogs pa bya rnam pa sna tshogs kyang gnas pa mthong nas rgyal bus btsun mo la yang 'di skad ces smras so// ri 'di la bltas na shing dang tshal gnam la reg pa tsam du skyes na yang / brdas pa 'am bcad
64a6 pa med pas chu migazhim po la 'thung zhing 'bras bu mngar ba za ste/ ri 'di la bsgom pa dag yod pas 'dir gnas par bya'o// rgyal bu ri de la phyin pa na ri de la gnas pa'i 'dab chags bya dang gcan zan dang ri dgas thams cad rab tu
64a7 dga' nas rgyal bu bsus so/ / de'i tshe ri de la sgom pa'i dge slong a chu ta zhes bya ba lo lnga brgya lon pa/ yon tan mchog dang ldan pa zhig gnas te/ rgyal bu de de'i drung du song nas phyag byas te phyogs cig tu 'dug nas 'di skad ces
64a8 smras so/ / 'di la gang phyogs na 'bras bu dang chu mig bzang por ldan pa gnas su rung ba ci yod ces dris pa dang / a nu ta sa smras pa/ ri 'di gnas thams cad du bsod nams dang ldan pa'i sa gzhi yin pas gang du gnas kyang rung
iiif viewer powered by OpenSeadragon
Texts on this page
Q1020 - 'phags pa rgyal bu don grub kyi mdo