| e-texts navigator |
| བོད་ཡིག |
223b1 gyis yid mi ches pa dang / smras pa thams cad mi gsal bar 'ong ngo // 'dod chags kyi kha na ma tho ba yang sems can ngan song gsum du lhung bar byed do// cis ste mir skyes na yang 'bras bu rnam pa gnyis smin te/ nor la chags shing chog
223b2 mi shes pa'i rang bzhin dang / mang du tshol yang bas sra pa bzhin mi 'grub po// zhe sdang gi kha na ma tho ba yang sems can ngan song gsum du ltung bar byed do// ci ste mir skyes na yang 'bras bu rnam pa gnyis smin te/ gzhan gyis rtag tu
223b3 glags tshol ba dang / rtag tu gzhan gyis 'tshe bar 'gyur ro// log par lta ba'i kha na ma tho ba yang sems can ngan song gsum du lung ngo // ci ste mir skyes na yang 'bras bu rnam pa gnyis smin te/ rtag par log par blta ba'i khyim
223b4 du skye ba dang / g.yon can du skye bar 'gyur ro// kye rgyal ba'i sras dag de lta bu'i mi dge ba bcu ni sdug bsngal mang pos gdungs pa'i rgyu yin no// de nas 'khor mang po'i nang nas mi dge ba bcu'i las kyi lam byed pa dag bcom
223b5 ldan 'das kyis sems can dmyal ba'i sdug bsngal rnams bshad pa 'di thos nas thams cad kyis cho des btab ste/ bcom ldan 'das la 'di skad ces gsol to// bdag cag rnams kyis dge ba ji lta bu zhig gis sdug
223b6 bsngal de dag las ji ltar thar par 'gyur/ bcom ldan 'das kyis bka' stsal pa/ khyed rnams sems can thams cad bsod nams kyi las 'thun par gyis shig/ ji ltar na bsod nams byed ce na/ gang la la zhig
223b7 bdag nyid kyi sems can gyi don chen po byed pa gtso bor byas pa la mchod rten dang / gtsug lag khang pa rtsigs na ma 'ongs pa'i dus na/ gdon mi za bar rgyal por 'gyur te/ 'gro ba mang po'i don byed cing 'gro ba cig gi
223b8 kun la mi mthun pa med do/ / tshe 'di la chos kyi 'gro ba dang / chos la dad pa ni mi'i mchog tu 'gyur ro// ma 'ongs pa'i dus na gdon mi za bar blon che'am/ khams kyi dbang blon du 'gyur ro// gos dang rta dang ldan zhing dgos so//
iiif viewer powered by OpenSeadragon
Texts on this page
Q1024 - dge ba dang mi dge ba'i las kyi rnam par smin pa bstan pa'i mdo