rKTs

e-texts navigator

Volume

Page

217b₁ rtsod pa yang mchis/ gnas mtho zhing yo byad rnam pa sna tshogs su ldan pa yang mchis/ bdag gi khyim med la 'dron thabs su gnas pa yang mchis/ bya dang / ri dgas dang / gcan zan dang 'dra bar gnas pa yang mchis
217b₂ gos su bal gos gon zhing zas su sha za zhing yi ge me shes pa yang mchis/ / mi g.yo bar 'dug kyang skyed cing yon tan thob pa yang mchis/ gla za zhing gnas pa yang mchis yid gzhungs shing khong grol ba yang
217b₃ mchis rmongs shin blun la ngan pa yang mchis/ brtsal te ma rnyed pa yang mchis/ ma btsal te rnyed pa yang mchis/ phyug cing bcan la nor dang ldan la ser sna che ba yang mchis/ dbul la sbyin pa la sred pa
217b₄ yang mchis/ tshig sman bden zhing mnyen par zer ba yang mchis/ tshig smran gzer ba bzhin du zug pa yang mchis/ gzhan gyis byams shing bkur ba yang mchis/ kun gyis spangs shing bsrings pa yang mchis
217b₅ snying rje'i sems kyis sems can gso ba yang mchis/ bag med par srog gcod pa yang mchis/ khong yangs shing kun dang mthun pa yang mchis/ kun gyis mi 'dod pa yang mchis/ mna' ma dang sgyug mor
217b₆ mi mthun pa yang mchis/ tshag pa mo dang mdza' ba yang mchis/ la la ni chos kyi gtam la dga' ba yang mchis/ la la ni mdo sde thos nas gnyid bro ba yang mchis/ la la ni brdal bag can la 'dzangs pa
217b₇ yang mchis/ la la ni gtsug lag khang la dga' zhing bsgom pa la 'grus/ la la ni byol song gi gzugs dang mtshungs/ la la ni ri dgas rnam pa sna tshogs su 'gyur ba yang mchis na/ bcom
217b₈ ldan 'das kyis rgyu dang 'bras bu rgyas par bshad na 'khor mang po kun gyis thos nas sems rtse gcig tu dge ba'i rjes su phyogs par 'gyur lags so/ / bcom ldan 'das kyis bka' stsal ba/

_{iiif viewer powered by OpenSeadragon}

217a - 218a

Texts on this page