| e-texts navigator |
| བོད་ཡིག |
214b1 gal te mer skyes na yang rnam par smin pa'i 'bras bu rnam pa gnyis 'thob par 'gyur te/ nor la rkam zhang chog shes pa med pa dang / mang du tshol zhing rtag par yid bzhin du mngon par grub par mi
214b2 'gyur ba gang yin pa'o/ / gnod sems kyi kha na ma tho ba gang yin pa des ni sems can rnams sems can dmyal ba dang / dud 'gro'i skye gnas dang gshin rje'i 'jig rten dag tu ltung bar byed do// gal te
214b3 mir skyes par gyur na yang rnam par smin pa'i 'bras bu rnam pa gnyis myong bar 'gyur te/ rtag par gzhan gyis glags tshol bar 'gyur ba dang rtag par gzhan gyis gnod pa byed par 'gyur ba gang /
214b4 yin pa'o// log par lta ba'i kha na ma tho ba des ni sems can rnams sems can dmyal ba dang / dud 'gro'i skye gnas dang / gshin rje'i 'jig rten dag tu ltung bar byed do// gal te mir skyes par gyur
214b5 na yang rnam par smin pa'i 'bras bu rnam pa gnyis 'thob par 'gyur te/ rtag par log par lta ba'i khyim dag tu skye bar 'gyur ba dang / sems g.yo rgyu dang bcas par 'gyur ba gang yin pa'o// /
214b6 kye sangs rgyas kyi sras rnams de ltar na sdig pa mi dge ba'i las kyi lam bcu po rnams ni sdug bsngal mang po sna tshogs kyi phung po chen po'i rgyu dang rkyen du gyur pa yin no// de nas de'i tshe 'khor 'dus pa
214b7 chen po de nyid du sdig pa mi dge ba'i las bcu po dag byas pa gang yin pa de dag bcom ldan 'das kyis sems can dmyal ba'i sdug bsngal gyi rnam par smin pa bkas bshad pa thos pa dang / de dag
214b8 thams cad skad cher phyung ste ngus nas/ bcom ldan 'das la 'di skad ces gsol to// bcom ldan 'das bdag cag dge ba ji lta bu zhig smad na sdug bsngal 'di dag las thar par 'gyur lags/
iiif viewer powered by OpenSeadragon
Texts on this page
Q1023 - 'phags pa legs nyes kyi rgyu dang 'bras bu bstan pa zhes bya ba theg pa chen po'i mdo