rKTs

e-texts navigator

Volume

Page

292a₁ gzhan gyi nor la chags su byang ba dang gnod sems dang log par lta ba ste yid kyi las gsum dang mi dge ba'i las bcu po de dag spong ba ste/ las de lta bu ni ming skye bar 'gyur ba'o// de la pa 'dod pa'i khams
292a₂ na spyod pa'i lhar skye bar 'gyur ba'i las yod de de gang zhe na/ / de ni dge ba bcu'i las kyi lam yongs su rdzogs shing legs par sbyangs pa ste/ las de lta bu ni 'dod pa'i khams na spyod pa'i lhar skye bar 'gyur ba'o// de
292a₃ la gzugs kyi khams na spyod pa'i lhar skye bar 'gyur ba'i las yod de de gang zhe na/ dge ba bcu'i las kyi lam rnams legs par sbyangs shing shin tu mnyam par bzhag pa dang khyad par du shin du 'phags pa dang / yongs
292a₄ su rdzogs par byas pa ste/ / las de lta bu ni gzugs kyi khams na spyod pa'i lhar skye bar 'gyur ba'o// de la gzugs med pa'i khams na spyod pa'i lhar skye bar 'gyur ba'i las yod de de gang zhe na/ gzugs med pa'i snyoms
292a₅ par 'jug pa bzhi ste/ gzugs kyi 'du shes rnams las rnam pa thams cad du yang dag par 'das te/ thogs pa'i 'du shes rnams med par 'gyur zhing sna tshogs kyi 'du shes rnams yid la mi byed pas nam mkha' mtha'
292a₆ yas so snyam nas nam mkha' mtha' yas skye mched rdzogs par byas te gnas pa dang / rnam pa thams cad du nam mkha' mtha' yas skye mched las yang dag par 'das te/ rnam par shes pa mtha' yas so snyam nas
292a₇ rnam shes mtha' yas skyes mched rdzogs par byas te gnas pa dang / rnam pa thams cad du rnam shes mtha' yas skye mched las yang dag par 'das te// ci yang med do snyam nas ci yang med pa'i skye mched rdzogs par
292a₈ byas te gnas pa dang / rnam pa thams cad du ci yang med pa'i skye mched las yang dag par 'das te/ 'du shes med 'du shes med min skye mched rdzogs par byas te gnas pa ste// las de lta bu ni gzugs med pa'i 'am

_{iiif viewer powered by OpenSeadragon}

291b - 292b

Texts on this page