| e-texts navigator |
| བོད་ཡིག |
287a1 mchod pa rtag tu bya/ / tshe ring 'dod na srog gcod spang bar bya// sems ni bud med dag la zhen mi bya// yid ni gzhan la gnod pa bskyed mi bya// dag gis gzhan gyi sdig pa brjod mi bya// gzhan nor rtswa chu bzhin du bcu
287a2 mi bya/ / rna bas gzhan gyi tshig ngan mnyan mi bya// mig gis bud med gzugs la blta mi bya// lce ni gzhan gyi ro la myang mi bya// bya ba kun la yid ni mig bzhin bya// sems can srog ni don med gcangad mi bya// skye bar nor
287a3 phyug rtag tu 'dod pa na/ / nad pa dbul po rnams la phan par bya// de nas 'phags pa'i tshogs dang ldan pa'i 'khor rnams bcom ldan 'das kyis gsungs pa la yid rangs shing mngon par bstod// las kyi rnam par smin pa'i
287a4 'bras bu'i mdo rdzogs s+ho/ / sangs rgyas kyi sprul pa rgya'i lo ts+tsha ba thang sam tsad zhes bya bas rgya gar dngos las rgya nag tu legs par bsgyur zhing // phyis gzhi thams cad yod par smra ba'i sde pa las rab tu byung brgya
287a5 nag chen po'i lha btsun chos kyi rin chen gyis dpal ldan sa skya'i gtsug lag khang chen por bskur zhing zhus te gtan la phab pa'o/ / / rgya gar skad du/ karma bi b+ha da ga/ bod skad du/ las rnam par 'byed
287a6 pa/ bam po dang po// sangs rgyas dang byang chub sems dpa' thams cad la phyag 'tshal lo// 'di skad bdag gis zos pa dus gcig na// bcom ldan 'das mnyan yod na rgyal bu rgyal byed kyi tshal mgon med
287a7 zas sbyin gyi kun dga' ba na bzhugs te/ / der bcom ldan 'das kyis bram ze'i khye'u shu ka la bka' stsal pa/ bram ze'i bu khyod la las rnam par 'byed pa bstan gyis// de legs par shin du nyon la yid
287a8 la zung shig dang ngas bshad kyis/ bcom ldan 'das de ltar bgyi'o zhes nas bram ze'i khye'u shu ka/ bcom ldan 'das la phyir nyan pa dang bcom ldan 'das kyi de la 'di skad ces bka' stsal to// bram ze'i bu
iiif viewer powered by OpenSeadragon
Texts on this page
Q1004 - las kyi rnam par smin pa'i 'bras bu'i mdo
Q1005 - las rnam par 'byed pa