| e-texts navigator |
| བོད་ཡིག |
215a1 bcad phyir yang mi skye ltar/ / grogs la 'khu bas yun ring pad mi thos// skye bo ngan pa yun ring mchod byas shing // bza' btung zhim po mang pos phan btags kyang // des ni nges par grags po spod
215a2 'gyur te/ / glang chen gyis ni ge'u shi'i spyil bu bzhin// ji ltar chu 'gram shing ni 'gyel 'gyur ltar// mi gang blo ni g.yo zhing 'gyur byed pa// de yi mdza' bshes brtan par mi 'gyur te// shing shun mtshon gyis ras
215a3 dkar btsos pa bzhin/ / gal te mkhas pas dgra ba dag/ mi dga' bar ni byed 'dod na// sems la skyon ni med byas dang // de nyid kyis ni der gnod 'gyur// rgya mtsho dang ni ri rab dang // sa rnams bdag gi khur min
215a4 gyi/ / byas pa mi gzo gang yin pa// de ni bdag gi khur chen yin// mi gang sems ni mi rgod cing // byas pa gzo dang byas pa tsher// byas pa chung gzon mi byed pa// de dag mkhas pas rab tu bsngags// chos bde byams
215a5 ba bde ba ste/ / 'jug dogs bde ba'i chu klung bzhin// grogs la 'khu ba med pa dang // nga snyems nga rgyal zad pa bde// khengs dang zol byed nga rgyal che// sdig pa'i grogs po bstan pa dang // stobs ldan rnams la
215a6 rgol byed pa/ / de dag rnams kyi grags pa 'jig/ de phyir khengs par mi bya ste// khro ba rnam par spang bar bya// khengs dang khro ba 'ongs 'gyur na// grags pa mtha' dag 'jig par 'gyur// gang zhig rgan dang byis
215a7 banang ba dang / / nyam chung thabs stor de bzhin dman pa dang // rgyal pos spangs dang skyabs med pa dag la// snying brtse med pa de dag mir mi rung // rang gi yul 'khor gnas spangs te// gzhan gyi ljongs su phyin
215a8 ban/ / tshig ngan so sor zlog pa la// bzod pa chen po bya dgos so// rang gi yul na brnyas bzhin 'dug pa bas// mi rnams gzhan gyi yul na gnas kyang rung // gang na mi rnams gzhan gyis mi brnyas te// rang gi yul
iiif viewer powered by OpenSeadragon
Texts on this page
Q991 - klu'i rgyal po rnga sgra'i tshigs su bcad pa