rKTs

e-texts navigator

Volume

Page

201a₁ dang ldan pa dag gnas nyi shu rtsa gnyis po 'di dag ni rab tu byung bas yang dang yang du so sor brtag par bya ba ste/ bdag ni khyim pa'i rtags spangs pa ste/ mi sdug pa'o zhes gnas 'di rab tu byung bas yang dang yang
201a₂ du so sor brtag par bya'o/ / bdag ni mi 'dra ba khas blangs pa ste/ bdag gi cha byad dang bya ba gzhan yin no// bdag gi 'tsho ba ni gzhan la rag las pa ste/ ji srid 'tsho'i bar du bdag gi 'di lta ste/ chos gos dang bsod snyoms/
201a₃ dang mal stan dang na ba'i gsos sman dang yo byad pha rol las btsal dgos pa'o// bdag ni ji srid 'tsho'i bar du mi rnams kyi 'dod pa dag las ldog pa byas pa'o// bdag ni ji srid 'tsho'i bar du mi rnams kyi rtsed mo'i dga'
201a₄ bdag las ldog pa byas pa'o/ / cig bdag gis bdag tshul khrims dag gis ma smad dam/ cig bdag la tshangs pa mtshungs par spyod pa mkhas pa rnams kyis chos nyid kyis ma smas sam/ cig bdag nyid ma smras pa dang ma
201a₅ nyams par spong ngam/ cig yul 'khor gyi bsod snyoms don yod par za 'am/ cig gcig pu kun dga' ra ba stong par mngon par dga' 'am/ bdag ji lta bur gyur pas nyin mtshan 'da'/ cig 'du byed thams cad zhi ba/
201a₆ stong pa nyid du dmigs pa/ sred pa zad pa/ 'dod chags dang bral ba'i mya ngan las 'das pa la bdag gi sems rab tu 'jug pa dang / dad pa dang yang dag par gnas pa dang rnam par grol bar gyur tam/ cig phung po mi
201a₇ rtag pa nyid dang phung po gsob nyid dang phung po snying po med pa nyid la bdag gi sems rab tu 'jug pa dang / dad pa dang yang dag par gnas pa dang / rnam par grol bar gyur tam/ cig bdag 'chi ba'i tshe tshangs pa mtshungs par
201a₈ spyod pa mkhas pa rnams kyis bdag la dris na yul yul po ma yin zhing bag tsha ba med pa dang / 'jigs pa med par yang dag par lung ston par lung bstan par bya ba gang yin pa dge slong gi 'bras bu bzhi las 'bras bu/

_{iiif viewer powered by OpenSeadragon}

200b - 201b

Texts on this page