rKTs

e-texts navigator

Volume

Page

164a₁ ris su skye bar bya'o snyam pas kyang ma yin no/ / bdag mtho ris dang ngan song gar 'dod par skye bar bya'o snyam pas kyang ma yin no// ci yang ma byas te rgyu rkyen la brten mi dgos par skye'o snyam pas kyang ma
164a₂ yin no/ / phung po 'di zhig ste shi nas ci yang med do zhes smra ba yang ma yin no// 'dir tshe 'phos nas pha rol na gshin gyi khams su ma chags su mchis pas 'di na ci spyod pa byed de skye ba mi len zhes zer ba yang ma yin no//
164a₃ tshe 'di'i rnam par shes pa ma 'gags par rnam par shes pas skye ba len zhes zer ba yang ma yin no// 'di dang pha rol gnyis gar phung po dus gcig yod ces zer ba yang ma yin no// grum po las grum por skye/ dkar po las
164a₄ dkar por skye zhes bya ba la sogs pa yang ma yin no/ / lha tshe 'phos pa yang lhar skye'o// mi tshe 'phos pa yang mir skye'o// zhes zer ba yang ma yin no// dge bas ngan song dang / mi dge bas mtho ris su 'grub ces zer ba yang ma
164a₅ yin no/ / shes pa gcig las mang po 'phel ba yang ma yin no// dge ba ma byas kyang lhar skye ba dang / mi dge ba ma byas kyang ngan song du skye ba yang ma yin no// skye ba mi byed pa pos byas pa yang ma yin no// de dag ci'i phyir ma yin
164a₆ zhe na kha don gyi dpel gang dag gis rnam par shes pa 'di ma 'gags par pha rol tu skye ba len no zhes zer ba'i skyon bsal ba'i phyir sa bon gyi dpe bstan te/ sa bon de ma rul bar myu gu skye na ni bdag tu smra ba dag bden na
164a₇ sa bon de rul nas snga ma las gyur te mi 'dra bar gyur pa las myu gu skye'o/ / mar ma'i dpe la gang gis mar ma gcig las gcig spar na gnyis yod pas 'di dang pha rol gnyi gar phung po dus gcig yod do zhes zer pa'i skyon bsal
164a₈ ba'i phyir sgra'i dpe bstan te/ brag ca ni mis ma brjod par sgra mi grag ste/ dus gcig tu mi 'byung bas phung po yang dus gcig tu mi 'byung ngo // me long gi dpe la 'dra ba'i phyir grum po las grum por skye ba dag dgag pa'i phyir me shel gyi dpe

_{iiif viewer powered by OpenSeadragon}

163b - 164b

Texts on this page