| e-texts navigator |
| བོད་ཡིག |
162b1 dge ba byas pa dag gis sgyu med pa'i sems dang bas rnam par smin pa la yid ches par byas te/ sems thag pa nas bshags na 'byung bar 'gyur ro// 'tsho ba'i tshe mi dge ba sngar byas pa dag la 'gyod pa bskyed de/ sangs rgyas dang /
162b2 byang chub sems dpa' thams cad la phyag 'tshal zhing skyabs su gsol na sdig pa 'byang bar 'gyur ro// mtho ris su yang skye bar 'gyur ro// tshe phyi ma med pa'i 'du shes bskyed par mi bya'o// skye ba len pa ni dbang phyug dang /
162b3 'dod rgyal dang babyin la sogs pa dag gis byed par mi blta'o// 'jig rten pa'i bde ba dang 'khor ba thams cad la chags par mi bya'o// kye rgyal po chen po 'jig rten 'di nas pha rol du 'pho ste/ skye ba len pa na rtag pa 'pho
162b4 ba yang ma yin no/ / chad pa 'gags te med pa yang ma yin no// rgyu med pa yang ma yin no// rgyu med pa las byung ba yang ma yin no// byed pa pos byas pa yang ma yin te/ las dang nyon mongs pa'i rgyu rkyen tshogs pa las skye ba
162b5 blta'o/ / rgyal po chen pos gsol pa/ bcom ldan 'das sems can rnams tshe 'phos nas skye ba len pa de de ltar rtag pa yang ma lags/ chad pa yang ma lags/ rgyu med pa yang ma lags/ byed pa pos kyang ma byas/
162b6 'jig rten pha rol du skye ba yang 'grub pa de rtogs par dka' na 'di la 'thun pa'i ngo bo mchis som/ bcom ldan 'das kyis bka' stsal pa/ kye rgyal po chen po 'di la 'thun pa'i dpe brgyad yod de/ bla mas kha ton
162b7 brjod pa slob mas shes pa'i dpe dang / mar me las mar me 'byung ba'i dpe dang / me long las gzugs brnyan 'byung ba'i dpe dang / rgya las rgya'i dpung dang ri mo 'byung ba'i dpe dang / me shel las me 'byung ba'i dpe dang / sa
162b8 bon las myu gu 'byung ba'i dpe dang / skyur zhes brjod pas 'gram chu ldang ba'i dpe dang / brag che'i sgra rnams kyi dpes rtags par bya ste/ kye rgyal po chen po dpe brgyad po 'di dag gis snga ma snga mas ni ma phyi ma rnams 'byung ba yang yod
iiif viewer powered by OpenSeadragon
Texts on this page
Q974 - tshe 'pho ba ji ltar 'gyur ba zhus pa'i mdo