rKTs

e-texts navigator

Volume

Page

323a₁ ba na bzhugs te/ ku shi'i grong khyer nas skyes pa'i gyad rnams rdzu 'phrul chen pos 'dun par mdzad nas ring po mi thogs par daphung po'i lhag ma med pa'i mya ngan las 'das pa'i dbyings su yongs su mya ngan las
323a₂ 'da' bar 'gyur gyis/ gang 'o na bdag cag dong nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la tha mar blta ba'i phyir 'dod do snyam mo// de nas 'khor gyi bdag po
323a₃ tshangs pa dang / lha rnams kyi dbang po brgya byin rang gi ris nas mi snang bar gyur te/ 'dod pa ni spyod pa dang / gzugs ni spyod pa'i lha rnams dang lhan cig bcom ldan 'das kyi spyan sngar 'khod do// 'khor gyi bdag po tshangs
323a₄ pa phyogs gcig tu 'dug pas de'i tshe tshigs su bcad pa dag gsol pa/ rdzogs pa'i sangs rgyas grags ldan pa// de dag mthong ba rnyed par dka'// u dum ba ra'i me tog bzhin/ bskal pa bye bar rnyed par dka'//
323a₅ shAkya seng ge mi yi mchog/ ston khyod de bzhin rnyed par dka'// gzugs na spyod pa'i lhar bcas te/ thal mo rab sbyar khyod la 'dud// lha rnams kyi dbang po brgya byin phyogs gcig tu 'dug pas de'i tshe tshigs su bcad
323a₆ pa dag gsol pa/ / bdag gi chos mig rnam par dag/ snying la chos kyi sgron mo 'bar// ngan song sgo rnams bcad legs te// bdag la ngan 'gro'i 'jigs ma mchis/ e ma'o ston pa thugs rje can// phan par bzhed
323a₇ dang thugs brtse ba/ / 'dod par spyod pa'i lhar bcas te// thal mo rab sbyar khyed la 'dung // mi thogs yongs su mya ngan 'da'// khyod la tha mar lta ba lags/ 'khor gyi bdag po tshangs pa dang // lha rnams kyi dbang
323a₈ po brgya byin gyis de skad ces gsol nas/ bcom ldan 'das kyi zhabs gnyis la mig bos phyag 'tshal te/ bcom ldan 'das la lan gsum bskor ba byas nas bcom ldan 'das kyi thad nas zhal du phyogs

_{iiif viewer powered by OpenSeadragon}

322b - 323b

Texts on this page