rKTs

e-texts navigator

Volume

Page

318a₁ bya/ zas dag ni 'di lta bu dag cig zam// bde ba dang sdug bsngal ba ni 'di lta bu dag cig myong / tshe 'di tsam zhig tu ring bar gyur/ yun ni 'das de dag cag gnas gnas/ tshe dgan 'ang nam dag cig thug de dag dang /
318a₂ bdag cag gnas de nas shi 'phos nas che ge mo zhig tu skyes pa dag tu gyur/ de nas kyang shi 'phos nas che ge mo zhig tu skyes pa dag tu gyur/ de nas kyang shi 'phos nas yang 'dir skyes pa dag tu gyur to zhes rnam pa dang bcas
318a₃ shing yul phyogs dang bcas la/ gzhi ci las gyur pa dang bcas par sngon gyi gnas rnam pa du ma yang dag par rjes su dran par mdzad do// gnas 'jog gi rgyud dag de bzhin gshegs pa dgra bcom pa yang dag par rdzogs pa'i
318a₄ sangs rgyas dag ni stobs brgyad pa de dang ldan pa dag yin zhing / khyu mchog gi gnas rlabs po che zhal gyis 'che ste/ tshangs pa'i 'khor lo rab tu bskor zhing 'khor gyi nang du yang dag par seng ge'i sgra sgrogs par mdzad do//
318a₅ gnas 'jog gi rgyud dag gzhan yang de bzhin gshegs pa dgra bcom pa yang dag par rdzogs pa'i sangs rgyas rnams ni lha'i spyan rnam par dag pa mi las 'das pas sems can shi 'pho ba dag dang / skye ba dag dang /
318a₆ mdog bzang po dag dang / mdog ngan pa dag dang / dman pa dag dang / gya nom pa dag dang / bde 'gror 'gro ba dag la gzigs par mdzad cing / sems can la ji lta ba bzhin du nye bar dod pa dag la sems can 'byung ba de dag
318a₇ ni lus kyis nyes par spyod pa dang ldan pa dag dang / ngag dang yid kyi nyes par spyod pa dang ldan pa dag dang / 'phags pa rnams pab skur ba 'debs pa dag dang / log par lta ba dag yin te/ log par lta ba'i las dang / chos yang dag par len
318a₈ pa'i rgyus/ de'i rgyu dang de'i rkyen gyis lus zhig nas shi phan chad ngan song ngan 'gro log par ltung ba'i sems can dmyal ba rnams su skye bar 'gyur ro// yang na sems can 'thung ba dag ni lus kyis legs par spyod pa dang /

_{iiif viewer powered by OpenSeadragon}

317b - 318b

Texts on this page