rKTs

e-texts navigator

Volume

Page

315b₁ bsod nams kyi 'bras bu rnam par smin pa mnyam pa dag yin gyi/ rgyu gsum po rigs dang / sku tshe dang / sku lus kyis mnyam pa dag ni ma yin no// gnas 'jog gi rgyud dag stobs bcu gang dag dang ldan zhe na/ 'di la de bzhi/
315b₂ gshegs pa dgra bcom pa yang dag par rdzogs pa'i sangs rgyas rnams ni gnas la yang gnas dang gnas pa ma yin pa la yang gnas ma yin par yang dag pa ji lta ba bzhin du yang rab tu mkhyen te/ gnas 'jog
315b₃ gi rgyud dag 'di ltar de bzhin gshegs pa dgra bcom pa yang dag par rdzogs pa'i sangs rgyas rnams ni gnas la yang gnas dang gnas ma yin pa la yang gnas ma yin par yang dag pa ji lta ba bzhin du rab tu mkhyen/ to/
315b₄ / gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas dag ni stobs dang po de dang ldan pa dag yin zhing khyu mchog gi gnas rlabs po che zhal gyis 'che ste/ tshangs
315b₅ pa'i 'khor lo rab tu bskor zhing 'khor gyi nang du yang dag par seng ge'i sgra sgrogs par mdzad do/ / gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas rnams
315b₆ ni 'das pa dang / ma 'ongs pa dang / da ltar byung ba'i las dang / chos yang dag par len pa dag la gnas dang / rgyu dang / dngos po dang / rnam par smin pa yang dag pa ji lta ba bzhin du rab tu mkhyen te/ gnas
315b₇ 'jog gi rgyud dag 'di ltar de bzhin gshegs pa dgra bcom pa yang dag par rdzogs pa'i sangs rgyas rnams ni 'das pa dang / ma 'ongs pa dang / da ltar byung ba'i las dang / chos yang dag par len pa dag la gnas
315b₈ dang / rgyu dang / dngos po dang / rnam par smin par yang dag pa ji lta ba bzhin du rab tu mkhyen to// gnas 'jog gi rgyud dag de bzhin gshegs pa dgra bcom pa yang dag par rdzogs pa'i sangs rgyas dag ni

_{iiif viewer powered by OpenSeadragon}

315a - 316a

Texts on this page