| e-texts navigator |
| བོད་ཡིག |
303a1 dge slong gi tshogs kyis yongs su bskor cing dge slong gi dge 'dun gyis mdun du bdar te/ bdag cag gi grong gi zhing du ku shi'i grong khyer du gshegs so snyam mo// de la gang 'o na bdag cag gis kyang bcom ldan 'das de la ri
303a2 mor bya ba dang / mchod par bya bas bdag la phan par bya ba'i phyir ku shi'i grong khyer kun cho ga bzhin du phyag dar dag bya/ chag chag legs par btab pa dang / byi dor legs par bya ba dag byas nas rgyan dang lhab lhub thams cad dang /
303a3 bdug pa dang / phreng ba dang / me tog dang / spos dang / rol mo'i sgra gya nom pa dag gis brgyan par bya/ gdugs dang rgyal mtshan dang / ba dan dag gzugs par bya/ dus ston dag du gnas par bya/ bcom ldan 'das lam gang nas gshegs
303a4 par brtson pa'i gshegs shul de yang cho ga bzhin du phyag dar dag bya'o/ / de phyin chad bdag cag thams cad kyis bsu ba byas 'ba' shig na legs so snyam nas/ de nas de dag thams cad tshogs shing yang dag par dga' ba ste/
303a5 brtsod pa med cing rtse gcig la blo gcig pa dag tu byas nas ku shi'i grong khyer thams cad cho ga bzhin du phyag dar dag byed do// chag chag legs par btab pa dang / byi dor legs par byas pa dag byas nas/ rgyan dang ldab
303a6 lhub thams cad dang / bdug pa dang / phreng ba dang / me tog dang / spos dang / rol mo'i sgra gya nom pa dag gis brgyan par byed/ gdugs dang / rgyal mtshan dang / ba dan dag 'dzugs par byed/ dus ston la nga rab tu gnas par byed
303a7 de/ gshegs shul gang nas bcom ldan 'das gshegs pa'i gshegs lam de yang cho ga bzhin du phyag dar dag byed do// yang de'i tshe ku shi'i grong khyer gyi bar dang / chu klung dbyig ldan gyi bar de gnyis kyi bar na rdo chen
303a8 po yangs pa zhig gnas ma yin pa na 'dug ste/ lam po chen gnas pa na 'di lta ste/ gyen du ni 'dom bcwa lnga srid mngon du 'phags so// rgyar ni 'domi phyed dang brgyad do// de nas de dag 'di snyam du sems te/ gang 'o na bdag
iiif viewer powered by OpenSeadragon
Texts on this page
Q961 - 'phags pa rdo 'phangs pa'i mdo