rKTs

e-texts navigator

Volume

Page

272a₁ shes pa dang ldan pa 'di dag ni lus kyis nyes par spyod pa dang ldan pa/ ngag dang yid kyis nyes par spyod pa dang ldan pa/ 'phags pa rnams la skur pa 'debs pa/ log par lta ba dag ste/ log par lta
272a₂ ba'i las dang / chos yang dag par blangs pa'i rgyus lus zhig ste shi ba'i 'og tu rgyu de dang rkyen des ngan song ngan 'gro log par ltung ba sems can dmyal ba rnams kyi nang du skye bar 'gyur ba dang / sems can shes pa
272a₃ dang ldan pa 'di dag ni lus kyis legs par spyod pa dang ldan pa/ ngag dang yid kyis legs par spyod pa dang ldan pa/ 'phags pa rnams la skur ba mi 'debs pa/ yang dag par lta ba dag ste/ yang dag par lta 'i
272a₄ las dang / chos yang dag par blangs pa'i rgyus lus zhig ste shi ba'i 'og tu rgyu de dang / rkyen des bde 'gro mtho ris kyi 'jig rten du lha rnams kyi nang du skye bar 'gyur ro// zhes sems can rnams las ji lta ba bzhi
272a₅ du nye bar 'gro ba dag kyang yang dag pa ji lta ba bzhin du rab tu mkhyen to/ / dge slong dag ngas de ltar mkhyen cing de ltar gzigs pas na/ da ni gang nam yang byung bar ma gyur pa dang / 'byung bar mi 'gyur ba dang /
272a₆ da ltar yang med pa ma yin zhing / gang de dang de dag tu dge ba dang / sdig pa'i las byas shing byas pa dag gis rnam par smin pa so sor myong bar byed pa dang / gang phung po 'di 'dor zhing phung po gzhan dang nying
272a₇ mtshams sbyor ba de chos kyi brda ma gtogs par bdag gam/ sems can nam/ srog gam/ skye ba'am/ bso ba 'am/ gang zag gam/ shed las skyes sam/ shed bu'am/ byed pa po 'am/ byed du 'jug pa po 'a
272a₈ skyed pa po'am kun nas skyed pa po 'am/ slong ba po 'am/ kun nas slong ba po 'am/ smra ba po 'am/ myong ba po 'am so sor myong ba po yin no zhes mi smra'o// de la chos kyi brda ni 'di yin te/ 'di lta ste/ 'di yod

_{iiif viewer powered by OpenSeadragon}

271b - 272b

Texts on this page