rKTs

e-texts navigator

Volume

Page

62a₁ lus kyi las dang / ngag gi las dang / yid kyi las kyis sangs rgyas bcom ldan 'das de dag la phyag 'tshal lo// bstod do// bkur ro// bsngags so// rab tu bsngags so// 'dud do// rab tu 'dud do// phyag
62a₂ bgyi'o/ / gzhol lo// blta'o// brtag go// dmigs pa dpag tu ma mchis pa dang ldan pa'i me tog dang / spos dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan da /
62a₃ mar me dang / bkod pa dang / lhab lhub dang / mchod rten rtsig pa dang / sku gzugs bgyi ba dang / rin po che dang / rgyan dang / bzhon pa dang / 'chags dang / gtsug lag khang dang / yo byad thams cad bkod pa rnam par
62a₄ dag pa rgya chen po 'di dag gis kyang de bzhin gshegs pa de dag la sti stang du bgyi'o/ / btsun par bgyi'o// ri mor bgyi'o// mchod do// gsol lo// rim gror bgyi'o// mchod pa mos pa'i stobs las nges par
62a₅ byung ba/ / khams gsum pa las shin tu 'das pa/ nyon mongs pa ma mchis pa'i chos las byung ba/ mngon par 'du bgyid pa ma mchis pa'i phyag rgyas btab pa/ ye shes sgyu ma las shin tu yongs su
62a₆ grub pa/ las sgyu ma las shin tu rnam par phye ba/ gnas thams cad las shin tu spags pa/ 'jig rten snu ma las byung ba/ ngo bo nyid kyi chos dang 'brel pa/ yang dag par rdzogs pa'i sangs rgyas kyis bka'
62a₇ sbal pa'i mchod pas de bzhin gshegs pa de dag la bsti stang du bgyi'o/ / btsun par bgyi'o// rim mor bgyi'o// mchod do// gsol lo/ ma gror bgyi'o// gong du yang byang chub sems dpa' de bzhin gshegs
62a₈ pa'i rgyud bsab par 'tshal ba/ sems can gyi rgyud yongs su smin par bgyid par 'tshal ba/ zhing gi rgyud rnam par sbyong bar 'tshal ba/ las kyi rgyud dang mi 'gal bar 'tshal ba/ chos kyi rgyud rab tu rnam par

_{iiif viewer powered by OpenSeadragon}

61b - 62b

Texts on this page