rKTs

e-texts navigator

Volume

Page

61b₁ 'das gang rnams las de bzhin gshegs parare re tshul khrims kyi yon tan gyis bsngags pa phun sum tshogs pa las brtsams te/ bskal pa mtha' yas par bsngags pa brjod kyang de bzhin gshegs pa deng
61b₂ tshul khrims kyi yon tan gyi bsngags pa phun sum tshogs pa yang mazad cing thug pa ma mchis la de bzhin gshegs pa de dag gi spobs pa so so yang dag par rig pa la yang thug pa ma mchis te/ de ltar sangs rgyas
61b₃ bcom ldan 'das tshul khrims dpag tu ma mchis pa de dag la mos pa'i mchog gis mos so/ / gtso bo dang / dam pa dang / khyad par du 'phags pa dang / rab dang / phul dang / gya nom pa dang / bla ma dang / bla na ma mchis
61b₄ pa dang / mnyam pa ma mchis pa dang / mi mnyam pa dang mnyam pa dang / mtshungs pa ma mchis pa dang / snang ba ma mchis pa dang / bdag nyid chen po dang / zil gyis mi non pa dang / yon tan gyi chos thams cad sdud pa
61b₅ dang / yang dag par rdzogs pa'i sangs rgyas kyis bka' stsal pa'i mos pas lhag par mos so// tshul khrims la ji lta ba de bzhin du ting nge 'dzin dang / shes rab dang rnam par grol ba dang / rnam par grol ba'i ye
61b₆ shes mthong ba dang / de bzhin du byams pa chen po dang / snying rje chen po dang / dga' ba chen po dang / btang snyoms chen po dang / de bzhin du stobs dang / mi 'jigs pa dang / de bzhin du sangs rgyas kyi chos thams cad
61b₇ yang dag par 'byung ba'i bar dag la lhag par mos so/ / mos nas kyang sangs rgyas bcom ldan 'das de dag la phyag 'tshal lo// bstod do// bkur ro// sngags so// rab tu bsngags so// 'dud do// rab tu 'dud do//
61b₈ phyag bgyi'o// gzhol lo// blta'o// brtag go/ byams pa'i lus kyi las dang / byams pa'i ngag gi las dang / byams pa'i yid kyi las ye shes sngon du 'gro ba dang / kun tu bzang po dang / sangs rgyas kyi rgyan gyi

_{iiif viewer powered by OpenSeadragon}

61a - 62a

Texts on this page