rKTs

e-texts navigator

Volume

Page

93a₁ brnyan gyi spyan sngar mi gcig gis kha ton glags la gcig gis 'thol tshangs bya ste/ gcig gam gnyis sam gang yang rung ste/ stong brgya de yang mi gcig gis kha tor klog go/ kha ton klog pa ni sa mthon po
93a₂ la 'dug la nyan pa ni dma' ba la 'dug go/ / so so nas chos gos tshal bu dgu pa dang / lnga pa dang / bdun pa bgos te tshul du 'jug pa ni gcig nas gcig tu chos bzhin du'o// sbyangs pa'i yon tan spyod pa'i tshe bgegs yod cing
93a₃ mi bde ba'i nang du ma 'gro cig/ yul gyi bgegs dang / rgyal po mi srun pa dang / sa mtho na dman dang / rtsi shing zab mo dang / dbyar seng ge dang / stag dang / spyad ki dang / chuste rlung gi bgegs dang / rkun po chem po dang / sbrul gdug sde
93a₄ lam la sogs te/ bgegs yod do cog thams cad sbyangs pa'i yon tan pa 'gror mi rung ngo // de la ched kar song na ni ltung ba'o// sangs rgyas kyi bu chos 'di bzhin du rim par 'khod cig/ tshul khrims sngar nos pa ni snga
93a₅ 'dug shig/ tshul khrims phyis nos pa ni phyi nas 'dug shig/ rgan gzhon mi lta/ dge slong pho dang / dge slong mo dang / ya rabs dang / btsun pa dang / rgyal po dang / rgyal bu dang / nyung rum dang / bran pos smos la sogs pa tshul
93a₆ khrims sngar nos pa ni sngar 'dug shig/ phyis nos pa ni phyis go rims bzhin du 'dug shig/ mur 'dug ngan pa dang / mi glen pa bzhin du rgan yang rung / gzhon yang rung / snga med phyi med pa'i go rimis med pa ni g.yung po bran gyi tshes so//
93a₇ ngasangs rgyas kyi chos kyi nang na ni snga ma ni steng du 'dug phyi ma ni 'og tu 'dug go/ byang chub sems dpa' ni chos bzhin du go rims su ma 'khod na ltung ba'o// sangs rgyas kyi bu rtag par sems can no cog bstan cing bcos te/ dge
93a₈ 'dun gyi khang khyim byed cing ri dang / tshal dang / ra ba dang / zhing la sangs rgyas kyi rten gyi khang pa byas la dbyar dgun du tshul dang / bsam gtan du 'jug pa'i gnas dang / gtsang ma'i 'chags sa 'dzugs su bzhugs pa'i rigs so//

_{iiif viewer powered by OpenSeadragon}

92b - 93b

Texts on this page