rKTs

e-texts navigator

Volume

Page

77b₁ mchod gnas su gyur pa'o zhes gsungs/ 'jig rten gyi dbang pos smras pa/ kye rgyal ba'i sras bcom ldan 'das kyis chos nyid la dgongs te chos kyi dbyings nang na yang med/ byin yang med de/ gnyi gar yang dmigs su
77b₂ med pas na nad med par btags pa dang / mi skye bar btags pa dang / mi 'gag par gdags pa rnams gdags su med pa ste/ sems can gyi khams mnyam pa bzhin du chos kyi dbyings mnyam pa nyid chos kyi dbyings mnye
77b₃ pa bzhin du sems can gyi khams mnyam pa nyid dang / chos kyi dbyings mnyam pa nyid du mi gnyis te gnyis su medade// de mi gnyis te gnyis su med pas na de la dor ba yang med/ mi dor ba yang med/ gang dor ba yang med
77b₄ mi dor ba yang med pas na de la mnga' ba dang / thob par mi nus te/ bcom ldan 'das kyis kyang 'di ltar dgongs nas gdags su med pa'i dge slong btags pa la mi 'jug go/ gang yi ge med pa'i dge slong yi ge las 'das
77b₅ pa ste/ de la grangs kyis bstan par yang mi rung ste/ de ni mi 'ong mi 'gro mi gnas mi 'dug nyal bar yang mi rtog go/ zhi ba dang nye bar zhi ba rnams mi dmigs pa'i dge slong la brtags pa ste/ spyod pa rnams kyang brtag
77b₆ pa'o/ / log pa la rnam pa mang du rtog pa'i dge slong spyod pa ni ma brtags pa'o// bcom ldan 'das kyis 'di ltar dgongs nas 'di lta bu'i dge slong ni dad pas sbyin pa spyod pa'i sbyin gnas su gyur pa'o// de nas bcom
77b₇ ldan 'das kyis spyan ras gzigs dbang po byang chub sems dpa' la dge ba byin te ngas dgongs te bshad pa bzhin du skyes bu dam pa khyod kyis bstan pa ni dge'o dge'o/ / dge bar gsungs pa'i chos kyi 'dul ba la rab
77b₈ tha byung ba 'di bla na med pa dam pa'i chos kyi phyag rgya ste/ 'di tshul khrims nyams pa dang / ma dul ba dang / nga rgyal mngon par byed pa rnams kyi mdun du mi bshad par gyis shig/ de lta bu de dag rnams kyi snyoms

_{iiif viewer powered by OpenSeadragon}

77a - 78a

Texts on this page