| e-texts navigator |
| བོད་ཡིག |
74a1 rnam grangs 'di gang na spyod pa der ni sangs rgyas 'byung bar blta'o/ / de na ni chos kyi 'khor lo bskor bar blta'o// bcom ldan 'das kyis bka' stsal pa/ de de bzhin no// lha'i bu de de bzhin te/ ji skad smras pa
74a2 bzhin no/ / phyogs gang na 'jam dpal gzhon nur gyur pa gnas pa de ni stong pa ma yin par mngon no// gang na chos kyi rnam grangs 'di sprod par 'gyur ba de ni de bzhin gshegs pa chos kyi bdag po nyid brtson par mdzad do// gang
74a3 chos kyi rnam grangs 'di la nyan par byed/ mos par byed pa'i sems can de dag ni nga'i yin par 'gyur ro// gang dag chos kyi rnam grangs 'di nyan pa dang / mos pa'i sems can de dag ni de bzhin gshegs pas 'dul bar blta'o//
74a4 gang dag chos kyi rnam grangs 'di 'dzin pa dang / de bzhin nyid du nan tan byed pa de dag ni bla na med pa yang dag par rdzogs pa'i byang chub las phyir mi ldog pa yin no// de nas bcom ldan 'das kyis byang chub sems dpa' byams
74a5 pa dang / gnas brtan 'od srungs chen po dang tshe dang ldan pa kun dga' bo la bka' stsal pa/ skyes bu dam pa dag ji tsam du chos kyi rnam grangs 'di blang pa dang / gzung ba dang / bshad pa dang / kun chub par byed pa'i phyir
74a6 khyed la gtad do/ / nga ni ring por mi thogs par yongs su mya ngan las 'da' ba 'gyur gyis/ de'i phyir khyed kyis sems can thams cad la sangs rgyas kyi bya ba'i chos kyi rnam grangs 'dis gnas par gyis shig/ byams pas
74a7 gsol pa/ bcom ldan 'das bdag gis chos kyi rnam grangs 'di gzung lags na/ bcom ldan 'das chos kyi rnam grangs 'di'i ming ci lags/ 'di ji ltar gzud par bgyi/ bcom ldan 'das kyis bka' stsal pa/ byams
74a8 pa de'i phyir khyod kyis chos kyi rnam grangs 'di gzhi ba sgrub pa dang / byang chub sems dpa'i lam dang / byang chub sems dpa' yongs su smin par byed pa zhes bya ba zung shig/ bcom ldan 'das kyis de skad ces bka' stsal nas
iiif viewer powered by OpenSeadragon
Texts on this page
Q918 - 'phags pa bzhi pa sgrub pa zhes bya ba theg pa chen po'i mdo