| e-texts navigator |
| བོད་ཡིག |
298b1 slad du 'khor der mchis pa rnams kyis byang chub sems dpa' sems dpa' chen po ri'i snying po klu'i drang srong la legs so zhes bgyi ba stsal to/ / de'i tshe klu'i rgyal po shin tu rab gnas stan las langs te// bcom ldan 'das gal
298b2 bde logs su thal mo sbyar ba btud nas 'di skad ces gsol to/ / btsun pa bcom ldan 'das bdag la rten pa'i klu dang / klu'i rgyal po gang dag sgo nga las skyes pa dang / mngal nas skyes pa dang / drod dang gsher las skye ba dang / rdzus te skye
298b3 pa'i klu de dag gang na bcom ldan 'das kyis 'khor nyan thos rnams dang / 'khor byang chub sems dpa' de dag la phan tshun byams pa'i sems dang ldan pa dang / yul 'khor der sha kho na ma mchis pa'i sems kyis gnas par 'gyur lags
298b4 so/ / gnod sems ma mchis pa dang / sems mnyam pas gnas par 'gyur lags so// gang dag yul 'khor de'i rgyal po de dag kyang bcom ldan 'das kyi bstan pa la sems shin du dad par 'gyur lags so// de dag bcom ldan 'das
298b5 kyi bstan pa yang 'dzin par 'gyur lags so/ / dbang phyug gi rgyags pa dang dregs pas bcom ldan 'das kyis bstan pa 'jig par mi 'gyur lags so// dge slong dang / dge slong ma dang / dge bsnyen dang / dge bsnyen ma dag la 'tshe bar mi
298b6 'gyur lags so/ / btsun pa bcom ldan 'das kyi slad du rab tu byung nas skra bregs te/ gos ngur smrig bgos pa snod du gyur pa dang / snod du ma gyur pa lhag pa'i bsam pa can rnams kyang bcom ldan 'das kyi ston pa 'dzin par bgyid lagaso//
298b7 gzhan yang yul 'khor de na gang dag mi rnams bcom ldan 'das kyi bstan pa de'i tsher mar gyur pa de dag chos dang ldan pas skrod par bgyid lags so// de nas yul 'khor der dge sbyong dang / bram ze bsod snyoms pa rnams la sngon gyi
298b8 rgyal po dag gis sngon lhag pa'i bsam pas sbyin pa phul ba rnams rgyal rigs dge bas 'phrog par mi bgyid la/ / rgyal rigs dge ba blon po dang / mdun nas 'don dang / skye bo dmag mi rnams dang bcas pas tshogs sbyor ba ni don chen la
iiif viewer powered by OpenSeadragon