| e-texts navigator |
| བོད་ཡིག |
292b1 dpa' bar 'gro ba'i ting nge 'dzin la dbang thob pa dag longs spyad par spyod pa ni ma gtogs so// bdag gis sems can gyi khams ma lus pa dag bsam gtan bzhi la snyoms par zhugs par gzhag par nus na/ 'dir kla khro bo zhes
292b2 bya ba nas lus srul po khro bo zhes bya ba'i bar dag zhi bar bya ba lta smos kyang ci dgos/ / 'di ltar bdag ni de bzhin gshegs pas ma gnang bar bdag gis rdzu 'phrul gyi yul dag bstan pa ni tshul dang mthun pa ma yin te/ dper na 'khor
292b3 los sbyar ba'i rgyal pos ma gnang bar blon po rin pa che dang / khyim bdag rin po che dag gis dpung gi tshogs yan lag bzhi pa shom pa de ni gnas med de// de ci'i phyiraro zhe na/ byang chub sems dpa' sems dpa' chen po ma lus pa de dag
292b4 thams cad ni de bzhin gshegs pa'i sras thugs las skyes pa gsung las skyes pa/ chos las byung zhing chos kyi sprul pa ste/ de'i phyir de bzhin gshegs pas ma gnang bar rdzu 'phrul gyi yul bstan par ni sus kyang mi nus so//
292b5 dpal chog shes 'on kyang chu klung nor bu'i gzhal med khang zhes bya ba'i gzungs kyi tshogs kyi rig sngags dang / gsang sngags kyi tshig mdor bsdus pa dang / dus gsum gyi sangs rgyas bcom ldan 'das de dag thams cad kyi dkon
292b6 mchog gsum gyi gdung gi byin gyis rlabs kyis rnam par 'phrul pa dag yod kyis dpal cho ga shes/ de bzhin gshegs pa de la tshig dag zhus shig dang / da de bzhin gshegs pas khyod la chu klung nor bu'i gzhal med khang zhes bya ba'i
292b7 gzungs kyi tshogs kyi rig sngags dang / gsang sngags kyi tshig mdor bsdus pa dag ston par 'gyur te/ bdag kyang rjes su yi rang ngo // khyod kyis kyang bsam pa thams cad rdzogs par gyis shig/ de nas dpal lha mo chen mo dang / lha mo
292b8 chen mo dbyangs can dang / lha mo chen mo brtan ma dang / lha mo chen mo 'od byed dang / lha ma chen mo gzi brjid can dang / lha mo chen mo dge ldan dang / lha mo chen mo ta ma la'i snying po dang / lha mo chen mo nyi ma bdag dang / lha mo chen mo shel can
iiif viewer powered by OpenSeadragon