| e-texts navigator |
| བོད་ཡིག |
283b1 ldan pa dang / chu dag phun sum tshogs shing chud ma za ba 'byung ngo // de na me tog dang / sman dang / 'bru dang / ro rnams chud mi za bar phun sum tshogs par 'gyur ro// yul 'khor der yid du mi 'ong ba'i sgra dang / phyi sma dang / nang 'khrug gi dpung
283b2 dag dang / lo nyes dang / nad dang / dus ma yin pa'i nad dang / 'chi bdag mi 'byung ngo // de na sems can rnams tshe ring zhing kha dog dang ldan no// bde ba mang zhing sems la rnyog ma med do// dga' dang mtshungs par ldan zhing chos spyod la mthong
283b3 ris dag la gzhol lo/ / yul 'khor de na sbyin gnas snod du gyur pa dag nal 'byor yid la byed pa dang / 'thun par mngon par dga' ba dang bcas pas gnas so// de na bza' btung gi 'ongs spyod mtshang ba med do// 'byung ba chen po yid du
283b4 'ong bdag gis brtan to/ / dbang po dang / khams dag rgyas shing mi mthun pa med do// yul 'khor de na mi rnams dpa' zhing dran pa dang ldan la/ byams pa dang snying rje dang ldan zhing mtho ris dag la gzhol lo// dpal tshig shes yul
283b5 'khor de mos bcu po de dag gis legs par bstan pa yin no/ / dpal tshig shes byang chub sems dpa' rnams kyi las kyi sgrib pa ni 'di yin te/ theg pa chen po gtong ba dang / sku ning nyan thos kyi sa la 'jog par byed pa'o// sems
283b6 can thams cad yongs su smin par bya'i phyir nyan thos kyi bsam gtan dang / ting nge 'dzin gyis rnam par rtse ba'i pha rol tu phyin pa ni de lta bu yin no// nyan thos gang dag gi bsam gtan gyi yan lag yongs su rdzogs par mi shes pa de dag
283b7 ni khams gsum gyi brtson ra'i gnas kyi yan lag lnga ma spangs shing yan lag lnga dang ldan pa yin no/ / gang dag khams gsum las yang dag par 'das pa/ mi slob pa'i sa la rab tu gnas pa/ rnam par thar pa brgyad la bsam gtan
283b8 pas rnam par rtse ba/ mngon par shes pa/ pha rol tu phyin pa thob pa/ bskal pas nges par 'byung ba/ sangs rgyas bcom ldan 'das thams cad kyi zhal nas skyes pa/ chos dang ldan zhing chos kyi sprul pa de dag gis ni sangs rgyas
iiif viewer powered by OpenSeadragon