| e-texts navigator |
| བོད་ཡིག |
282a1 pa yid la med pa kun 'byung ba dag skye zhing 'jig pa dang / 'gog pa'i tshul gyis rab tu zhi bar byed la/ 'gog pa'i grong khyer shin tu yongs su dag par 'jug par yang byed do// de lus dang / ngag dang yid la byed
282a2 pa shin tu sbyangs pa la gnas so/ / yang de las kyang ldang ngo // yang na dbugs rngub pa dang / dbugs 'byung ba'i mtshan ma dag 'dzin par byed la// reg pa dag yid la byed pas mtshan ma la nye bar rtog par yang byed do// yang stong
282a3 pa nyid kyi ting nge 'dzin la 'jug par yang byed la/ / yang na dbugs rngub pa dang / dbugs 'byung ba'i skye ba dang / 'jig pa mtshan ma'i dmigs pa yang dag par lta bar yang byed do// smon pa'i ting nge 'dzin de la yang gnas la
282a4 yang na dbugs rngub pa dang / dbugs 'byung ba'i zhi ba dang / 'gog pa la yang dag par lta bar yang byed do// mtshan ma med pa'i ting nge 'dzin la gnas pa de bzhin du dran pa nye bar bzhag pa bzhi bsgom pa yang yongs su rdzogs par
282a5 'gyur ro/ / de la rnam par thar pa gsum bsgom pa yongs su rdzogs par yang 'gyur la/ yang na dbugs rngub pa dang / dbugs 'byung bar mi smon cing 'jig pa'i tshul gyi dmigs pas nye bar rtog par yang byed do// de la
282a6 yang dag pa'i spong ba bzhi bsgom pa yongs su rdzogs par yang 'gyur la/ yang na dbugs rngub pa dang / dbugs 'byung ba'i skye ba dang / nub pa'i mtshan ma la nye bar rtog par yang byed do// de rdzu 'phrul gyi rkang pa bzhi bsgom
282a7 ba yongs su rdzogs par yang 'gyur la/ yang na dbugs rngub pa dang / dbugs 'byung ba'i mtshan ma la dmigs pas nyi zer gyi rdul dang 'dra bar phye mar blags pa bzhin tu rang gi lus la nye bar rtog par yang byed do// de dbang
282a8 polnga bsgom pa yongs su rdzogs par yang 'gyur la/ yang na dbugs rngub pa dang / dbugs 'brang bskye ba dang / nub pa'i tshul gyis 'du byed gsum la nye bar rtog par yang byed do// de stobs lnga bsgom pa yongs su rdzogs
iiif viewer powered by OpenSeadragon