| e-texts navigator |
| བོད་ཡིག |
281b1 des zang zing med pa'i dga' ba dang / bde ba de lta bu dang ldan na snyam du shes so// byang chub sems dpa' des dkon mchog gsum la dad pa thob nas/ de 'di snyam du bdag gis ni sems can thams cad kyi don du go cha chen po bgos
281b2 nas bsam gtan la yang mngon par brtson par bya zhing / bdag gis ci nas kyang lus dang sems kyi bde ba yang dor bar bya'o/ snyam du sems so// byang chub sems dpa' sems dpa' chen po de dbugs rngub pa dang / dbugs/
281b3 'byung ba goms par bya ba sems kyi dmigs pa dag 'dor bar byed do// de sna'i rtse mor sems gtong bar byed de gang gis 'jug pa dang / nges par 'byung ba dbugs rngub pa dang / dbugs 'byung ba la gnas pa'i sems kyis
281b4 nye bar rtog par byed do/ / de sems de'i skad cig ma la zhig pa dang / skye ba dang / 'jig pa nye bar rtog par byed do// sems dang / yid dang / rnam par shes pa dang / phung po dang / khams dang / skye mched thams cad la chu zla dang /
281b5 mig yor dang / smig rgyu lta bu dang / glog lta bu dang / bdag po med pa dang / thams cad skad cig ma 'jig pa dang ldan par rtogs te/ da de ltar dga' ba dang bde ba rab tu gtong bar byed de/ des der bsam gtan gsum pa yang
281b6 thob pa yin no/ / gang du chos de dag 'phel bzhin du 'gog pa yid la byed pa'i sems kyis bsam gtan bzhi pa rdzogs par byas te gnas pa de la mtshan ma 'di dag 'byung ste/ des mig gnyi ga brtsums kyang nyi ma'i snang
281b7 ba chen po lta bur snang ba dag yang dag par lta bar byed pa na/ de 'di snyam du mtshan ma'i stobs snang ba'i rkyen las sems can thams cad kyi phung po dang / khams dang / skye mched dang / nyon mongs pa dang / nye ba'i nyon mongs pa
281b8 rnam par 'phel zhing 'bar bas bdag gis ci nas kyang yid la byed pa'i sems kyi dmigs pa'i snang ba dag dor bar bya'o snyam du sems so/ / de der de'i tshor ba dang / 'du shes dang / sems ba dang / reg pa gang yin
iiif viewer powered by OpenSeadragon