| e-texts navigator |
| བོད་ཡིག |
281a1 rdzogs par byed pa dang / bsam gtan gyi pha rol tu phyin pa yongs su rdzogs par byed pa dang / de'i pha rol tu phyin pa drug po yongs su rdzogs par 'gyur ba dang / myur du bla na med pa yang dag par rdzogs pa'i byang chub
281a2 mngon par rdzogs par 'tshang rgya bar 'gyur ba dag ji lta bu yin zhe na/ dpal chog shes 'di la byang chub sems dpa' sems dpa' chen po dang / thams cad kyi dang por dbugs rngub pa dang / dbugs 'byung ba'i mtshan ma'i
281a3 dmigs pa thams cad la sems gtong bar byed de/ dri g.yeng ba med pa'i sems kyis dbugs rngub par byed do// dbugs 'byung bar byed do// de dang por dbugs rngub pa'i sems kyis sel bar byed pa de dag ni de'i rnam par rtog
281a4 pa yin no/ / de nges par 'byung ba na dbugs 'byung ba'i sems kyis sel ba de dag ni de'i rnam par dpyod pa yin no// de la dga' zhing tshim pa gang yin pa dang / sems rtse gcig pa nyid gang yin pa dang / g.yeng ba med pa
281a5 gang yin pa des na de nges par 'byung ba la gnas shing rnam par rtog pa dang / rnam par spyod pa spong ba'i sems dang ldan pa yin no// de ltar na der nges rnam par rtog pa dang / rnam par dpyod pa dang bcas pa'i bsam gtan dang
281a6 po thob pa yin no/ / de la mtshan ma 'di dag 'byung ste/ de'i lus thams cad g.yo bar 'gyur ro// dro bar 'gyur ro// der de 'dod pa'i 'dun pa'i sgrib pa spong ba yin no// de mi dge ba'i chos thams cad gnon par byed do// de gang
281a7 gi tshe brtson pa drag po yid la byed cing gnas pa des na de rnam par rtog pa dang / / rnam par dpyod pa nye bar zhi ba yin te/ des na rnam par rtog pa dang / rnam par dpyod pa med pa'i bsam gtan gnyis pa thob pa yin no//
281a8 deltar de'i lus thams cad shin tu sim pa dang / bde ba dang / tshim par 'gyur ba ni dper na 'o ma 'jam tsam gyis lus la gcig car blugs na bde ba myong ba bzhin no// des bdag ni 'di ltar 'gyur bar shes te/
iiif viewer powered by OpenSeadragon