| e-texts navigator |
| བོད་ཡིག |
280b1 gsum mo/ / gsum 'di lta ste/ las kyi lam dang / nyon mongs pa'i lam dang / sdug bsngal gyi lam dag skems par bgyid pa dang / bsgom pa las byung ba'i bsod nams bgyi ba'i dngos po rdzogs par bgyid pa dag ji lta bu
280b2 lags/ de bzhin tu bsam gtan gyi pha rol tu phyin pa yongs su rdzogs par bgyid pa ji lta bu lags/ de'i pha rol tu phyin pa drug po yongs su rdzogs par 'gyur ba dang / myur du bla na med pa yang dag par rdzogs pa'i
280b3 byang chub mngon par rdzogs par 'tshang rgya bar 'gyur ba dag ji lta bu lags/ / bcom ldan 'das kyis bka' stsal pa// dpal chog shes legs so legs so// dpal cho ga shes khyod kyis gang gi tshe chos bzhi po 'di la
280b4 yongs su rdzogs par spyad cing goms par byas kyang khyod kyis sems can gzhan dang gang zag gzhan dag gi don du de bzhin gshegs pa la don 'di 'dri bar sems pa/ dpal chog shes de'i phyir legs par nyon la rab
280b5 tu yid la zung shig dang bshad do/ / btsun pa bcom ldan 'das de ltar 'tshal lo zhes bya ba nas/ bcom ldan 'das kyis 'di skad ces bka' stsal to zhes bya ba'i bar du'o// dpal chog shes byang chub sems dpa' sems
280b6 dpa' chen po dag bsam gtan dang po'i pha rol tu phyin pa yongs su sbyong zhing slob pa na/ bsam gtan gyi yan lag rnams shes pa dang / 'dod pa'i khams las yang dag par 'da' ba dang / yan lag lnga dang ldan zhing yang yan/
280b7 lag lnga spangs pa dang / rdzu 'phrul gyi rkang pa bzhis rtse ba mngon par shes pa dang / sangs rgyas bcom ldan 'das de dag thams cad la mchod pa dang / bkur sti bya ba dang dam pa'i chos mnyan pa'i phyir sangs rgyas kyi zhing thams cad
280b8 duglog lta bu'i shugs kyis 'gro ba la mkhas pa dang / sems can rnams kyi lam gsum po las kyi lam dang / nyon mongs pa'i lam dang / sdug bsngal gyi lam dag skem pa dang / sgom pa las byung ba'i bsod nams bya ba'i dngos po
iiif viewer powered by OpenSeadragon