rKTs

e-texts navigator

Volume

Page

222b₁ med pa'i sems kyis ye shes chen po de rtogs par nus so/ / byang chub sems dpa' lag na rin chen phyag rgyas smras pa/ kye ma'o sems can 'di dag ni 'gro ba drug tu lhung gis/ de dang de dag tu snying rje chen po
222b₂ skyed de/ sems can thams cad la chos kyi phyag rgya rin po che'i phyag rgya gsum gyis btab pa sbyin par bya ste/ sems can thos pa nyung ba rnams la ni thos pa'i lag pa sbyin par bya'o// sems can ser sna can
222b₃ rnams la ni gtong ba'i lag pa sbyin par bya'o/ / sems can dang tshul ngan pa can rnams la ni tshul khrims kyi lag pa sbyin par bya'o// sems can gnod sems can rnams la ni bzod pa'i lag pa sbyin par bya'o/
222b₄ sems can le lo can rnams la ni brtson 'grus kyi lag pa sbyin par bya'o// sems can dran pa nyams pa rnams la ni bsam gtan thob pa'i lag pa sbyin par bya'o// sems can shes rab 'chal
222b₅ ba rnams la ni shes rab kyi lag pa sbyin par bya ste/ sems can dag chos dkar po gang dang gang dag las bral bar gyur par chos de dang de dag nyid yongs su rdzogs par bya ba'i phyir lag pa sbyin par bya ste/
222b₆ byang chub sems dpa' de'i dge ba'i rtsa ba'i lag pa yang rin po che'i phyag rgya gsum gyis gdab par bya'o// gsum gang zhe na/ 'di lta ste/ sems can thams cad sangs rgyas kyi ye shes yongs
222b₇ su rdzogs par bsngo ba rin po che'i phyag rgyas gdab par bya ba dang / bdag gis dge ba'i rtsa ba yongs su 'grub pa rin po che'i phyag rgyas gdab par bya ba dang / sems can thams cad nam mkha'i rang bzhin
222b₈ gyi phyag rgyas gdab par bya ba ste/ rigs kyi bu de 'dra ba'i gnas la gnas pas ni thams cad mkhyen pa'i ye shes chen po de rtogs par nus so// byang chub sems dpa' seng ge'i blo gros kyis

_{iiif viewer powered by OpenSeadragon}

222a - 223a

Texts on this page