| e-texts navigator |
| བོད་ཡིག |
126b1 mkha'i khams shes bya'o// gang mdud khyim gyi tshul du lus kyi ming dang gzugs kyi myu gu mngon par 'grub par byed pa rnam par shes pa'i tshogs lnga 'dus pa dang / zag pa dang bcas pa'i yid kyi rnam par shes pa gang yin pa 'di ni/
126b2 rnam par shes pa'i khams shes bya'o// rkyen 'di dag med par lus skye bar mi 'gyur gyi/ nam nang gi sa'i khams tshad zhing de bzhin du chu dang / me dang / rlung dang nam mkha' dang / rnam par shes pa'i khams rnams kyang tshad par gyur la/
126b3 thams cad 'dus pa de las lus mngon par 'grub par 'gyur ro// de la sa'i khams kyang 'di snyam du bdag gis 'dus nas lus kyi sra ba'i dngos po mngon par 'grub po snyam du mi sems so// chu'i khams kyang 'di snyam du bdag gi lus
126b4 kyi sdud pa'i bya ba bya'o snyam du mi sems so/ / me'i khams kyang 'di snyam du bdag gis lus kyi zos pa dang 'thungs pa dang / 'chos pa dang / myangs pa rnams 'ju bar bya'o snyam du mi sems so// rlung gi khams kyang 'di snyam du bdag
126b5 gis lus kyi dbugs phyi nang du rgyu ba'i bya ba bya'o snyam du mi sems so/ / nam mkha'i khams kyang 'di snyam du bdag gis lus kyi nang du sbubs yod par bya'o snyam du mi sems so// rnam par shes pa'i khams kyang 'di snyam du bdag
126b6 gis lus kyi ming dang gzugs mngon par 'grub po snyam du mi sems so/ / lus kyang 'di snyam du bdag ni rkyen 'di dag gis bskyed do// snyam du mi sems mod kyi/ 'on kyang rkyen 'di dag yod na lus skye bar 'gyur ro// de la sa'i khams
126b7 ni bdag ma yin/ sems can ma yin/ srog ma yin/ skye ba po ma yin/ shed las skyes pa ma yin/ shed bu ma yin/ bud med ma yin/ skyes pa ma yin/ ma ning ma yin/ da ma yin/ bdag gi ma yin te/ gzhan su'i yang ma yin no//
126b8 de bzhin du chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams kyang bdag ma yin/ sems can ma yin/ srog ma yin/ skye ba po ma yin/ shed las skyes pa ma yin
iiif viewer powered by OpenSeadragon
Texts on this page
Q876 - 'phags pa sA lu'i ljang ba zhes bya ba theg pa chen po'i mdo