rKTs

e-texts navigator

Volume

Page

124b₁ nyid dang / ma nor ba de bzhin nyid dang / gzhan ma yin pa de bzhin nyid dang / yang dag pa nyid dang / bden pa kho na dang / ma nor ba nyid dang phyin ci ma log pa nyid ces bya ba'i bar du gsungs so// 'di ltar yang rten cing 'brel bar
124b₂ 'byung ba 'di gnyis kyi phyir 'byung ste/ gnyis gang zhen/ 'di lta ste/ rgyu dang 'brel ba dang / rkyen dang 'brel ba'i phyir ro// de yang byi'i dang nang gi dang / rnam pa gnyis su blta'o// de la phyi rol gyi rten cing 'brel bar 'byung brgya
124b₃ dang 'brel ba gang zhe na/ 'di lta ste/ sa bon las myu gu myu gu las 'dabs// 'dab ma las sdong bu/ sdong bu las sbu gu sbu gu las snying po/ snying po las me tog/ me tog las 'bras bu'o// sa bon medan myu gu mi 'byung ste/
124b₄ me tog med na 'bras bu'i bar du yang mi 'byung ngo // sa bon yod na myu gu mngon par 'grub par 'gyur te/ de bzhin du me tog yod na 'bras bu'i bar du mngon par 'grub par 'gyur ro// de la sa bon ni 'di snyam du bdag gis mya
124b₅ gu mngon par sgrub po snyam du mi sems so/ / myu gu yang 'di snyam du bdag ni sa bon gyis mngon par bsgrubs so snyam du mi sems so// de bzhin du me tog kyang 'di snyam du bdag gis 'bras bu mngon par bsgrub bo snyam
124b₆ du mi sems pa'i bar du ste/ 'bras bu yang 'di snyam du bdag ni me tog gis mngon par bsgrubs so snyam du mi sems mod kyi/ 'on kyang sa bon yod na myu gu mngon par 'grub cing / 'byung bar 'gyur ba nas de bzhin du me
124b₇ tog yod na 'bras bu'i bar du yang mngon par 'grub cing 'byung bar 'gyur te/ de ltar phyi rol gyi rten cing 'brel bar 'byung ba rgyu dang 'brel bar blta'o// phyi rol gyi rten cing 'brel bar 'byung ba rkyen dang 'bral ba ji ltar blta
124b₈ zhe na/ khams drug 'dus pa'i phyir te/ khams drug po gang dag 'dus pa'i phyir zhe na/ 'di lta ste sa dang / chu dang / me dang / rlung dang / nam mkha' dang / dus kyi khams rnams 'dus pa las phyi rol gyi rten cing 'brel bar

_{iiif viewer powered by OpenSeadragon}

124a - 125a

Texts on this page