rKTs

e-texts navigator

Volume

Page

112a₁ du rtog par byed/ / 'dir ni da dung btsun pa khyod// byis pa'i chos la 'brang dam ci// ring po 'am yang na thung ngu shes// mkhas pa dag ni rtog mi byed// chos kun snying po med par ni// de bzhin de dag khong du chud// byis pa
112a₂ ma byis pa'i chos rnams sam/ / sangs rgyas chos sam rgyal ba'ang rung // blo ldan tha dad mi 'byed kyis// stong pa nyid la de ltar ltos// drang srong chen pos byang chub thob// de ni mi rigs btags pa yin// chos 'di la ni skye med na/
112a₃ mya ngan 'das pa ji ltar 'thog/ chos rnams mtha' yas rab tu gsungs// sems can grol ba'ang dngos po med// mya ngan 'das dang 'khor ba la// tha dad dbyer med gzung bar gyis// 'di la rnam pa thams cad du// bsnan dang dbri ba ci
112a₄ yang med/ / tha dad med pa'i chos rnams la// mkhas pa rnams ni rmongs mi 'gyur// byis pa rnams kyis thob cing rnyed// byis pas mya ngan 'das pa thob// 'khor ba la ni de kun chags// rlom sems bdud kyi 'ching ba yin// gang gis/
112a₅ blol das thob snyam// des ni ci yang thob pa med// de yi yang srid 'gro ba yi// ma rig pa yang mjug par 'gyur// byang chub snying por 'dug nas ni// mthong ba med cing spangs pa med// sangs rgyas rnams kyi byang chub 'di// tha snyad
112a₆ yin te don du min/ / byang chub dang ni mya ngan 'das// tha dad dag gis brjod mi nus// gang dag de ltar yang dag mthong // de dag chos nyid rnam par shes// de nas bcom ldan 'das la tshe dang ldan pa shA ri'i bus 'di skad ces gsol to//
112a₇ bcom ldan 'das khye'u rin chen gyis yun ji srid cig nas chos 'di la spyad lags/ bcom ldan 'das kyis bka' stsal pa/ gang gi tshe de de bzhin gshegs pa mar me mdzad kyis da mi skye ba'i chos la bzod pa thob par 'gyur ba
112a₈ lung bstan pa de'i tshe/ 'di mar me mdzad kyi gsung rab la stong pa nyid la gnas pa'i byang chub sems dpa' rnams kyi mchog tu gyur to// gang gi tshe ngas bla na med pa yang dag par rdzogs pa'i byang chub tu dang po sems bskyed pa de'i

_{iiif viewer powered by OpenSeadragon}

111b - 112b

Texts on this page