| e-texts navigator |
| བོད་ཡིག |
110b1 de'i tshe khye'u rin chen byin gyis tshigs su bcad pa 'di dag smras so/ / sangs rgyas pad ma 'di phul ba// bdag ni ci yang mi 'tshal de// don rnams thams cad bcad slad tu// bdag ni byang chub mchog 'tshal lo//
110b2 ji ltar byang chub ma skyes la// thob pa ma mchis pa shig ma mchis// blang ba ma mchis thob ma mchis// de ltar bdag gis me tog dbul// byis pa rnams kyis don gang brtags// brtags pa de ni don ma
110b3 mchis/ / rtog pa thams cad bcad srad tu// gang zag mchog la bdag mchod bgyid// de phyir me tog phul ba 'di// bdag la rnam smin 'bras ma gyur// dngos po thams cad gcad slad tu// pad ma 'di ni bdag
110b4 gis phul/ / bdag gi sangs rgyas zhing du ni// rgyal mchog theg pas 'gro ma gtogs// nyan thos kyi ni ming yang rung // rang rgyal ming yang 'byung ma gyur// de nas tshe dang ldan pa maud gal gyi bu chen pos/ khye'u
110b5 rin chen byin la tshigs su bcad de smras pa/ khyod ni ston pa 'di 'dral// dad pas mchod pa byed mod kyi// blo gros phyin ci log gyur nas// sangs rgyas su ni ji ltar 'gyur// de nas khye'u rin chen byin gyis tshe dang ldan
110b6 ldan pa maud gal gyi bu chen po la tshigs su bcad de smras pa/ 'di dag thams cad ma skyes te// 'dus byas dag ni gseb dang gsog/ de 'dra ba yi chos rnams la// dngos por 'gyur ba ga la yod// khyed ni chos gos
110b7 ngur smrig bgos/ / dgra bcom nyid du 'dzin par byed// rnam shes 'di dang spyod yul yang // stong pa kho na ma yin nam// dmigs pa la ni gnas bcas pas// sangs rgyas bya ba ma mnyes byas//
110b8 bye ba de yang zhi bar mthong // su yang mnyes byas pa med// maud gal bu la da dud yang // dmigs pa 'jug pa yod dam ci// khyod ni sems ni gang zhig gis// yon yang yongs su sbyong bar byed//
iiif viewer powered by OpenSeadragon
Texts on this page
Q851 - 'phags pa byang chub sems dpa'i spyod pa bstan pa zhes bya ba theg pa chen po'i mdo