| e-texts navigator |
| བོད་ཡིག |
18b1 phra mo gsas te sku'i yan lag kyang rnam par gsas so/ / de ci'i phyir zhe na/ de yang phyi ma ma 'ongs pa'i sems can rnams la byams shing brtse ba'i phyir ro// de sngon byang chub sems dpa'i spyad pa spyod pa'i tshe//
18b2 sems can btul ba dag spyod pa 'khrul cing nor bar gyur nas bgegs kyi gnas su ltung ba rnams gdon pa'i phyir thugs rje chen po bskyed de sku gdung gsas te phra mo yungs kar gyi 'bru tsam yang rdzu 'phrul gyi
18b3 mthu bstan to/ / da yongs su mya ngan las 'das nas sems can gang sku gdung gis 'dul bar 'gyur ba dag sems rnam par dag par 'gyur ro// sems rnam par dag pas gnas thams cad du smon pa bzhin du
18b4 'grub po/ / rigs kyi bu dag nga sngon byang chub sems dpa'i spyad pa spyod pa'i tshe sems can dag la de lta bu'i thugs rje'i thugs lhun gyis grub pas sku gdung phra mor gsas te kun du khyab par byas pa yang nga'i
18b5 sngon gyi smon lam gyi dbang gis so/ / de ltar tshad med pa'i yon tan dang / bsod nams kyi rgyu dang / rkyen dang / thugs rje chen po'i shugs kyis phyi ma ma 'ongs pa'i dus ngan par skye bo mang po la skyob par gyur to// rigs
18b6 kyi bu dag byang chub sems dpa' gang chos 'di la mos pa dang / brtson 'grus dang / bag byed pa skyed pa dag nges par phyi ma ma 'ongs pa'i dus na mdo sde 'di la sogs pa klog pa dang / 'don pa dang / 'dzin pa dang / gzhan
18b7 la rgyas par ston par gyur cig ces smon par gyur te/ nga yang rdzu 'phrul gyi mthus byang chub sems dpa' de dag klog pa dang / 'don pa dang / 'dzin pa dang / gzhan la yang rgyas par ston par byin gyis rlob bo// ngas kyang mdo sde
18b8 'di dag klog pa dang / 'don pa dang / 'dzin pa dang / gzhan la rgyas par ston par 'gyur ba'i phyir/ byang chub sems dpa' de dag la yongs su gtams so// de ci'i phyir zhe na/ rigs kyi bu dag mdo sde 'di gang na yod pa'i
iiif viewer powered by OpenSeadragon
Texts on this page
Q841 - 'phags pa 'jig rten 'dzin gyis yongs su dris pa zhes bya ba'i mdo