rKTs

e-texts navigator

Volume

Page

18a₁ sems pa skyes te/ sems can dag la khyab par snying rje chen po kun la skyes so// rigs kyi bu dag da ltar ngas brtson 'grus chen po dang / thabs mkhas pa chen po'i stobs kyi sems can gyi
18a₂ don byas nas bla na med pa yang dag par rdzogs pa'i byang chub kyi tshogs bsags par rig par bya'o/ / de bas na rigs kyi bu dag de ltar mos pa dang / brtson 'grus dang / bag byed pa la nan tan byas te bla na med pa
18a₃ yang dag par rdzogs pa'i byang chub kyi tshogs bsags par byas so/ / ngas ji ltar byang chub sems dpa'i spyod pa spyad pa ltar khyed kyis kyang de ltar nga dang 'dra bar sems can la phan pa dang / bde ba'i don gyis
18a₄ shig/ rigs kyi bu dag bskal pa bzang po'i sangs rgyas bcom ldan 'das mngon par gshegs pa de dag thams cad 'di skad mi ston pa gang yang med do// 'di lta ste/ 'di ltar bcom ldan 'das shAkya thub pa
18a₅ shin du brtson 'grus brtsams so/ / 'di ltar bcom ldan 'das shAkya thub pa brtson 'grus phun sum tshogs so// 'di ltar bcom ldan 'das shAkya thub pa brtson 'grus kyi pha rol du phyin pa dang ldan no// 'di
18a₆ ltar bcom ldan 'das shAkya thub pa byang chub sems dpa' spyad pa spyod pa ni sems can gyi don byas te/ 'di ltar rnyog pa'i 'jig rten ngan par byung nas sems can tshad med grangs med pa la phan pa dang bde ba'i don byas so//
18a₇ zhes gsung ngo // rigs kyi bu dag gang de ltar byang chub kyi spyad pa spyod par 'dod pa dag mos pa dang / brtson 'grus dang / bag byed pa la brtson par bya'o// rigs kyi bu dag ngas bla na med pa yang dag par rdzogs
18a₈ pa'i byang chub tu mngon par sangs rgyas kyang brtson 'grus rtsom pa la ma nyams te/ yongs su mya ngan las 'das pa'i bar du yang brtson 'grus bskyed nas sku gdung yungs kar gyi 'bras bu tsam du

_{iiif viewer powered by OpenSeadragon}

17b - 18b

Texts on this page