rKTs

e-texts navigator

Volume

Page

211a₁ bdag med pa'i 'du shes nyid skyed/ nye bar zhi ba nyid la rton/ sems can thams cad grol bar byed pa nyid la rton/ byang chub kyi snying po nyid la rton te/ rnam par 'phrul pa'i rgyal po 'di yang shes rab kyi rnam par 'phrul
211a₂ ba'o/ / rnam par 'phrul pa'i rgyal po gzhan yang byang chub sems dpa' shes rab kyi rnam par 'phrul pa ni bdud kyi gnas bkod pa ci 'dra ba de dag las bye ba khrag khrig phrag 'bum gyur gyi bkod pa'i khyad par gyis
211a₃ bdud de rnams btul te 'dod par byas nas nga rgyal bcag ste/ de dag yang dag par rdzogs pa'i byang chub kyi sems la bkod nas de'i 'og tu chos ston to// rnam par 'phrul pa'i rgyal po byang chub sems dpa'
211a₄ shes rab ni kun tu 'gro bar shes par bya ste/ sbyin pa byin nam len tam/ yongs su bsngo yang drang shes rab ni kun tu 'gro bar shes par bya'o// tshul khrims srung ngam/ gzhan dag kyang der yang dag par 'dzud dam
211a₅ yongs su bsngo yang rung shes rab nyid yin par shes par bya'o/ / bzod pa sgom pa 'am/ bzod pa la yang dag par 'dzud dam/ bzod pa de byang chub tu yongs su sngo yang rung shes rab nyid yin par shes par bya'o//
211a₆ brtson 'grus rtsom 'am/ gzhan dag kyang brtson 'grus la yang dag par 'dzud dam/ brtson 'grus de byang chub tu yongs su bsngo yang rung shes rab nyid yin par shes par bya'o// bsam gtan la snyoms par 'jug
211a₇ ka ma/ gzhan dag kyang yang dag par 'dzud dam/ bsam gtan de byang chub tu yongs su bsngo yang rung shes rab nyid yin par shes par bya'o// chos rnams 'dzin tam/ gzhan la ston tam/ ji ltar thos pa'i chos
211a₈ rnams la so sor rtog kyang rung shes rab nyid yin par shes par bya'o/ / thams cad du 'gro ba dang 'ong ba dang / spyod lam thams cad du gom pa 'dor zhing 'jog pa na shes rab nyid yin par shes par bya'o// byang chub sems

_{iiif viewer powered by OpenSeadragon}

210b - 211b

Texts on this page