rKTs

e-texts navigator

Volume

Page

210b₁ skar ma shes pa'am/ rmi lam dang / mtshan ma shes pa 'am/ rig byed dam/ sngags sam/ rig sngags sam/ sgra 'am/ mngon par shes pa la 'dug pa 'am/ sa g.yo ba 'am/ 'gro lding ba'i sngags kyi sbyor ba 'am/ bya rog gi sgra/
210b₂ 'am/ de dgas kyi khru dang / lha dang / klu dang / gnod sbyin dang / dri za 'am/ rgyal po'i rtags dang / mtshan nyid dang / mtshan ma 'am/ lo legs pa dang / lo nyes pa'i mtshan ma'am/ gdon rnam par rtse ba shes pa 'am/ de las gzhan
210b₃ pa 'jig rten gyi bzo shes pa'am/ las shes pa 'am/ yi ge dang / lag brda' dang / grangs dang / brtsi pa dang / ri mo bri ba dang / glu dang / gar dang / pi bad dang / rnga dang / khar dkrol dang / rol mo la 'jug pa'i shes pa gang dag
210b₄ yin pa de dag thams cad byang chub sems dpa' de tshe rjes nas ma bstan par mngon du 'gyur zhing / de dag la de'i shes pa rab tu 'jug go/ shes rab dang ldan pa rnams la yang de dag thams cad ston cing thams cad
210b₅ la thar phyin par 'gyur te/ de bstan bcos dang / sngags dang / rig sngags kyi gnas de dag thams cad kyang rab tu shes la/ sems can thams cad la yang mi gnod par gnas shing / de dag gis yang dag par yang mi
210b₆ sems so/ / rnam par 'phrul pa'i rgyal po byang chub sems dpa' de shes rab ma nyams par tshangs pa 'bum phrag bcu dang lhan cig tu gnas shing 'dug la smra'o// lta bas kyang lta ba ston la kha dog gis kyang kha dog ston
210b₇ smra bas kyang smra ba ston/ kha dog dang / 'od dang / gzi brjid kyis kyang kha dog dang / 'od dang / gzi brjid ston la tshangs pa de dag la chags par mi 'gyur/ tshangs pa de dag kyang byang chub sems dpa' de tshur 'ong zhing
210b₈ de la gus pa bskyed do/ / de bzhin du lha'i gnas thams cad du yang bdag po yin par ston la de dag la chags pa yang med/ dga' ba yang mi skyed kyi mi rtag pa'i 'du shes nyid skyed/ sdug bsngal gyi 'du shes nyid skad

_{iiif viewer powered by OpenSeadragon}

210a - 211a

Texts on this page