| e-texts navigator |
| བོད་ཡིག |
208b1 tshangs pa dang / 'jig rten skyong ba'i gdags pa shes pa dang / tshig cig dang / gnyis dang / tshig mang po rnams dang / mdor bsdus pa'i tshig bla dgas dang / spros pa'i tshig bla dgas dang / skyes pa dang / bud med dang /
208b2 ma ning gi tshig bla dgas dang / 'das pa dang / ma 'ongs pa dang / da ltar byung ba'i tshig bla dgas shes pa dang / chos rnams ji ltar gdags par bya ba dang / gdags pa gang gis sems can gzhan gyi sems kyi rgyud
208b3 la gdags pa de bzhin du rtogs shing 'dogs so/ / rang gi nges pa'i tshig gis gzhan gyi nges pa'i tshig 'khrug par yang mi byed cing rlom sems su yang mi byed do// de ci'i phyir zhe na/ des chos thams cad nges pa'i phyir ro//
208b4 de 'di snyam du gdags pa gang gis chos gang gdags pa'i chos de gdags pa de la yod pa ma yin/ gad gis gdags pa'i gdags pa de yang chos de la yod pa ma yin no// snyam du sems dpa' 'di ni nges pa'i tshig ces bya'o//
208b5 nges pa'i tshig gi sgra 'di gal te yang dag pa'i nges pa'i tshig yin du zin na/ dge ba'i chos kyi nges pa'i tshig la mi dge ba'i chos kyi nges pa'i tshig tu mi 'gyur ro// de bas na nges pa'i tshig 'di nges par 'byung ba
208b6 yin par shes par bya'o/ / nges pa'i tshig so so yang dag par rig pa zhes bya ba ni gang gdags pa'i tshig thams cad la chos rtogs pa'o// de ci'i phyir zhe na/ chos thams cad shin tu rtogs pa'i phyir chos rnams
208b7 mi rtogs so/ / gang de ltar rtogs pa'i rtogs pa de'i gdags pa dang bshad pa de ni nges pa'i tshig so so yang dag par rig pa zhes bya'o// de la spobs pa so so yang dag par rig pa gang zhe na/ gang gi phyir de la yi
208b8 ge thams cad so sor snang ba dang / skra thams cad so sor snang ba dang / ming bstan pa thams cad so sor snang ba'o// ji ltar so sor snang zhe na/ gsal ba nyid du so sor snang / chos su so sor snang / 'dul bar so sor snang
iiif viewer powered by OpenSeadragon
Texts on this page
Q834 - 'phags pa rnam par 'phrul ba'i rgyal pos zhus pa zhes bya ba theg pa chen po'i mdo