rKTs

e-texts navigator

Volume

Page

205b₁ lal zhes bya'o/ / chos thams cad tha dad pa med pa'i phyir lamamanyam pa nyid do// nyon mongs pa thams cad kyi yongs su gdung ba med pa'i phyir lam rab tu zhi ba'o// ngan 'gro thams cad dang bral ba'i phyir lam nye bar ni
205b₂ bar bya'o/ / zag pa thams cad yongs su zad pa'i phyir lam zag pa med pa'o// lam de ni dmigs par lta ba thams cad kyis bzod par bya ba ma yin pa'o// lam de ni rnal 'byor spyod pa yang dag par zhugs pa
205b₃ rnams kyis rtogs sla ba'o/ / lam de ni sngon gyi de bzhin gshegs pa rnams bzhud cing rjes su bzhud pa'o// lam de ni mtshan mar rnam par rtog pa thams cad spangs pa'i phyir mtshan ma med pa'o// lam gang
205b₄ gis gnyis dang mtshan mar mi ltung ba de ni lam zhes bya ste/ gang gi tshe byang chub sems dpa'i bden pa bzhi po gang dag la tshul 'dis rtogs pa de ni bden pa shes pa zhes bya'o// bden pa bzhi po 'di rnams nyan thos
205b₅ kyi theg pa pa rnams dang / rang sangs rgyas kyi theg pa pa rnams ston la/ theg pa de dag la yang 'dod par mi byed pa de ni bden pa shes pa'i rnam par 'phrul pa zhes bya'o// rnam par 'phrul pa'i rgyal po gzhan yang
205b₆ shes pa'i rnam par 'phrul pa ni gang nyan thos kyi theg pa yang shes la/ de la gnas par shes pa yang ma yin pa dang rang sangs rgyas kyi theg pa yang shes la/ de la gnas par shes pa yang ma yin pa dang / sangs rgyas
205b₇ kyi theg pa yang shes la/ de la gnas par shes pa ni shes pa'i rnam par 'phrul pa zhes bya'o// gzhan yang shes pa'i rnam par 'phrul pa ni gang shes pa gcig gis sems can thams cad kyi sems shes pa
205b₈ dang / sems kyi ngo bo nyid cig gis sems can thams cad kyi sems kyi ngo bo nyid shes la/ sems dang shes pa la gnyis su yang mi 'jug pa'o// gzhan yang shes pa'i rnam par 'phrul pa ni gang 'das pa la

_{iiif viewer powered by OpenSeadragon}

205a - 206a

Texts on this page