rKTs

e-texts navigator

Volume

Page

205a₁ par rtogs pa gang gis rang sangs rgyas kyi rnam par grol ba la rag par byed cing / bden pa mngon par rtog pa de nyid byang chub sems dpa' mngon par rtogs par byas nas/ rnam par grol ba la reg par yang mi byed pa 'dun/
205a₂ de'i skye ba med pa'i rnam par 'phrul pa yin mod kyi/ bden pa shes pa zhes bya ba ni gang yang dag pa ma yin pa med pa sdug bsngal yongs su shes pa'o// de'i yongs su shes pa gang zhe na/ phyin ci log tu skye ba'i phyir de yod pa
205a₃ ma yin zhing med la/ de la dngos po yod pa ma yin gyi/ dngos po med par shes pa ste/ gang gi tshe sdug bsngal skye ba med cing 'byung ba med par shes pa de ni sdug bsngal yongs su shes pa'o// de la kun 'byung ba yongasu shes
205a₄ pa gang zhe na/ chos rnams ji ltar kun du 'byung ba de bzhin du spong ba'o// ji ltar kun tu 'byung zhe na/ kun tu 'byung ba zhes bya ba ni kun tu byung ma thag tu 'ong ba med par spong ba dang kun tu 'byung ba la 'gro ba med par spong ba
205a₅ 'di ni chos rnams kyi tshul te/ 'di la spong bar 'gyur ba'i chos gang yang byung ba med de/ sred pa bag la nyal gang gis srid par byung ba'i sred pa bag la nyal de spangs pa zhes bya'o// de la sdug bsngal 'gog pa gang zhe
205a₆ na/ gang sdug bsngal dang / kun 'byung ba gnyis shin tu 'gag cing chos gang yang 'jig pa med pa de ni 'gog pa zhes bya'o// 'gog pa zhes bya ba'i gang mtshan mar dmigs pa thams cad 'gog pa ste/ de ltar
205a₇ chos rnams kyi ngo bo nyid 'gag pas skye bar yang mi byed/ 'gog par yang mi byed pa de ni 'gog pa zhes bya'o// de la lam gang zhe na/ lam gang gis chos thams cad btsal na dge ba dang / mi dge ba dang / zag pa
205a₈ dang / bcas pa 'am/ zag pa med pa 'am/ kha na ma tho ba dang bcas pa dang / kha na ma tho ba med pa 'am/ 'dus byas dang / 'dus ma byas sam/ 'jig rten pa dang / 'jig rten las 'das pa dag mi dmigs pa de ni

_{iiif viewer powered by OpenSeadragon}

204b - 205b

Texts on this page