rKTs

e-texts navigator

Volume

Page

196a₁ yin snyam du 'khor gyi sems la rnam par lta ste/ bltas nas kyang de bzhin du chos ston to// de rang gi sems yongs su dag pas 'khor gyi sems yongs su dag pa rjes su 'jug ste/ rnam par 'phrul pa'i
196a₂ rgyal po 'di lta ste/ dper na me long gi dkyil 'khor yongs su dag pa'i phyir me long gi dkyil 'khor yongs su dag pa la gzugs su snang ba dza lta bu bsnyen pa'i kha dog dang / rtags dang / dbyibs ji lta bu yin pa de lta bu nyid kyi
196a₃ gzugs brnyan lhag chad med par snang ste/ me long gi 'khor ni rnam par mi rtog mi sems kyang de dag snang ngo // rnam par 'phrul pa'i rgyal po de bzhin du byang chub sems dpa' yang rang gi sems yongs su dag pa dang / chos
196a₄ kyi dbyings kyi dkyil 'khor yongs su dag pa'i phyir sems can rnams kyi sems kyi spyod pa ji lta bur 'byung ba de dag thams cad rab tu shes te/ byang chub sems dpa' rang gi sems la sgrib pa yang med/ gzhan gyi sems la sgrib
196a₅ pa yang med do/ / de na gal te 'khor 'dod chags la spyod pa yin na yang de'i sems rab tu shes so// 'dod chags dang bral ba'i sems kyang yang dag par mthong ngo // de ci'i phyir zhe na/ sems kyi rang bzhin chags pa med pa'i
196a₆ phyir ro/ / gal te 'khor zhe sdang la spyod pa yin na yang de'i sems rab tu shes so// zhe sdang dang bral ba'i sems kyang yang dag par mthong ngo // de ci'i phyir zhe na/ sems kyi rang bzhin zhe sdang ma yin pa'i phyir ro// gal te 'khor
196a₇ gti mug la spyod pa yin na yang de'i sems rab tu shes so/ / gti mug dang bral ba'i sems kyang yang dag par mthong ngo // de ci'i phyir zhe na/ sems kyi rang bzhin gti mug ma yin pa'i phyir ro// gal te 'khor nyan thos
196a₈ kyi theg pa la mos pa yin na yang spyod pa de kho na bzhin du shes te/ chos kyi dbyings chung bar yang mi byed do// gal te 'khor rang sangs rgyas kyi theg pa la mos pa yin na yang spyod pa de kho na bzhin du shes te/ chos kyi

_{iiif viewer powered by OpenSeadragon}

195b - 196b

Texts on this page