| e-texts navigator |
| བོད་ཡིག |
187b1 byang chub sems dpa' rdo rje'i lte ba zhes bya ba tshul khrims la gnas pa'i stobs dang ldan pa/ tshul khrims shin tu/ yongs su dag pa zhig byung ste/ rnam par 'phrul pa'i rgyal po byang chub sems dpa' rdo rje'i lte ba de dgon pa'i
187b2 gnas na 'chag pa na 'di lta ste/ chos 'dul ba 'phags pa la 'grus shing brtson par gyur te/ sangs rgyas kyi chos la gnas pa na tshul bzhin du sbyor ba 'di lta bu byung ste/ gang chos thams cad la mi dmigs pa de ni tshul khrims
187b3 so/ / gang dngos po thams cad la mngon par ma zhen pa de ni tshul khrims so// gang nyon mongs pa thams cad rab tu zhi ba de ni tshul khrims so// gang lus gzugs brnyan dang 'dra bar shes pa de ni tshul khrims so// gang dag
187b4 brag cha lta bur shes pa de ni tshul khrims so/ / gang sems can la sgyu ma'i chos lta bur so sor rtog pa de ni tshul khrims so// gang dge ba dang mi dge ba'i chos rnams pa gnyis su med mi 'byed pa de ni tshul khrims so// gang
187b5 'dod chags la mi sdug par so sor rtog pa de ni tshul khrims so/ / gang zhe sdang la byams pa sgom pa de ni tshul khrims so// gang shes rab kyis gti mug gi dra ba rnam par 'joms pa de ni tshul khrims so// gang 'dod chags
187b6 dang / zhe sdang dang / gti mug gi dngos po rnams mi dmigs pa de ni tshul khrims so// gang chos thams cad la mi rtog pa dang / rnam par mi rtog pa dang / mi sems pa dang / mi lta ba de ni tshul khrims so// gang bdag tu lta
187b7 med pa dang / sems can du lta ba med pa dang / srog tu lta ba med pa dang / gang zag tu lta ba med pa dang / chad par lta ba med pa dang / rtag par lta ba med pa de ni tshul khrims so// gang chos thams cad la mngon par 'du mi byed pa de ni/
187b8 tshul khrims so// gang sems skrag pa med pa de ni tshul khrims so// gang khams gsum la mi gnas pa de ni tshul khrims so// gang chos mi skye ba la yid ches pa de ni tshul khrims so// gang mi skye ba'i chos la bzod pa la
iiif viewer powered by OpenSeadragon
Texts on this page
Q834 - 'phags pa rnam par 'phrul ba'i rgyal pos zhus pa zhes bya ba theg pa chen po'i mdo