rKTs

e-texts navigator

Volume

Page

186a₁ la 'god par byed pa dang / smon lam phun sum tshogs par 'gyur ba dang / 'di lta ste// blan med pa yang dag par rdzogs pa'i byang chub la brtul zhugs grub par 'gyur ba ngas bshad/
186a₂ bcom ldan 'das legs so zhes gsol nas/ byang chub sems dpa' rnam par 'phrul pa'i rgyal pos bcom ldan 'das kyi ltar nyan pa dang / bcom ldan 'das kyis 'di skad ces bka' stsal to// rnam
186a₃ par 'phrul pa'i rgyal po bzhi po 'di dag ni byang chub sems dpa' rnams kyi rnam par 'phrul pa ste/ gni gang zhe na/ 'di lta ste/ tshul khrims rnam par 'phrul ba dang / mngon par shes pa'i rnam par 'phrul
186a₄ pa dang / shes pa'i rnam par 'phrul pa dang / shes rab kyi rnam par 'phrul pa ste/ rnam par 'phrul pa'i rgyal po bzhi po de dag ni byang chub sems dpa' rnams kyi rnam par 'phrul pa'o// rnam par 'phrul pa'i
186a₅ rgyal po de la tshul khrims kyi rnam par 'phrul pa gang zhe na/ rnam par 'phrul pa'i rgyal po 'di la byang chub sems dpa' tshul khrims phun sum tshogs pa yin te/ ma ral pa'i tshul khrims dang / ma zhig pa'i chul
186a₆ khrims dang / ma 'dres pa'i tshul khrims dang / rnyog pa med pa'i tshul khrims dang / dmigs pa med pa'i tshul khrims dang / gnod pa med pa'i tshul khrims dang / ma smad pa'i tshul khrims dang / mi gdung pa'i tshul khrims
186a₇ dang / / legs par yongs su bsrung ba'i tshul khrims dang / mkhas pa so bsngags pa'i tshul khrims dang / sems can yongs su smin par byed pa'i tshul khrims dang / dam pa'i chos yongs su srung ba'i tshul
186a₈ khrims dang / / pha rol bde ba dang / mchog tu dga' ba dang / mgu ba'i tshul khrims dang / srid pa'i 'gro ba thams cad du skye ba la mi gnas pa'i tshul khrims dang / zhi gnas la gnas pa'i tshul khrims dang / lhag

_{iiif viewer powered by OpenSeadragon}

185b - 186b

Texts on this page