| e-texts navigator |
| བོད་ཡིག |
185b1 sems dpa' rnam par 'phrul pa'i rgyal po la skabs phye ba dang tshim zhing mgu la yid rangs te dga' ba dang bde ba dang yid bde ba skyes nas bcom ldan 'das la 'di skad ces gsol to/ / bcom ldan 'das
185b2 ji ltar na byang chub sems dpa' sems dpa' chen po rnams theg pa chen po 'di la rnam par 'phrul pa dang / theg pa chen po 'di la sems can gzhan dag dang // gang zag gzhan dag 'tshal bar
185b3 bgyid pa dang / rnam par 'phrul pa des kyang bdud thams cad dang / lhag pa'i nga rgyal can thams cad dang / phas kyi rgol ba thams cad dang / dmigs par lta ba la mngon par zhen pa thams cad tshar
185b4 bkum nas theg pa chen po 'di la 'god par bgyid pa dang / smon lam phun sum tshogs par 'gyur ba dang / 'di lta ste/ bla na med pa yang dag par rdzogs pa'i byang chub la brtul zhugs grub pa
185b5 yongs su rdzogs par 'gyur ba lags/ de skad ces gsol pa dang / bcom ldan 'das kyis byang chub sems dpa' rnam par 'phrul pa'i rgyal po la 'di skad ces bka' stsal to// rnam par 'phrul pa'i rgyal po legs
185b6 so/ / legs so// rnam par 'phrul pa'i rgyal po khyod de bzhin gshegs pa la don de lta bu dri bar sems pa yang legs so// rnam par 'phrul pa'i rgyal po de'i phyir legs par rab tu nyon la yid la zung shig dang /
185b7 ji ltar na byang chub sems dpa' chen po rnams theg pa chen po 'di la rnam par 'phrul pa dang / theg pa chen po 'di la sems can gzhan dag dang / gang zag gzhan dag 'dod par byed pa dang / rnam par
185b8 'phrul pa des kyang bdud thams cad dang / lhag pa'i nga rgyal can thams cad dang / phas kyi rgol ba thams cad dang / dmigs par lta ba la mngon par zhen pa thams cad tshar bcad nas theg pa chen po 'di
iiif viewer powered by OpenSeadragon
Texts on this page
Q834 - 'phags pa rnam par 'phrul ba'i rgyal pos zhus pa zhes bya ba theg pa chen po'i mdo